點止「拔河」咁簡單

「扯大纜？小朋友玩意嚟喎！」這個扯住條繩鬥力嘅遊戲，小學旅行時經常會玩。但原來「拔河」屬國際競技運動，具有正規賽例同訓練技巧，絕對唔係「扯大纜」咁兒戲。身兼國家認可拔河教練及香港拔河運動總會秘書長嘅陳雪玲表示：「拔河鬥智鬥力，女仔玩得叻，分分鐘可拉得郁比自己重兩倍嘅男人。」今次便教大家幾招秘技，玩拔河時便能一顯身手！

室外Vs室內

拔河有乜咁好玩？其實拔河主要分為室外及室內兩種，前者外國人較為常玩，後者則由日本於1993年引進，依家亞洲地區就多數喺室內玩。雪玲教練表示，兩種拔河都離唔開基本規則，喺拔河道上設有中心線，其中一方將繩子拉動4米至決勝點便贏，以3局2勝定勝負。她補充：「兩者嘅握繩及步姿各有不同，室外拔河需要側身握繩，雙腳如鋤頭般製造腳洞並往後拉；而室內拔河則需於腹前握繩，蹲低身子並將雙腳置於膝前，再往後踏步拉動。」

進攻靠步法

細路仔玩扯大纜有時會磨損手，如用錯力甚至會扯傷手臂肌肉，其實這是拉法有誤所致。「拔河握繩時應該掌心向天繃緊繩子，進而張開上身鎖死動作，故拉動時應會連人帶繩一同移動，免得被繩磨損手掌。而拔河對賽會按選手總體重公平分組，故比賽時唔會拉着超重對手。」講到用錯力問題，雪玲教練解釋：「拔河牽涉到兩種力量，靠自身體重控制穩定重心嘅靜力，以及額外施力將對手拉動嘅肌力。」前者原理似紮馬，仰後身子將重心集中於下盤，便可令對方難以拉動。後者則講求肌肉爆發力，依靠隊友按節奏默契作出多變嘅進攻步法，如Power Walk便要後仰並左右擺動身子，借勢大幅向後踏步，藉此拉郁對手。

負責穩住隊伍平衡的後位（站於最後位置），繩子需通過腋下背掛上肩。

裝備篇
室內拔河鞋的鞋底加入厚身橡膠設計，有助加強與地板的摩擦力。

世運會比賽項目

正式有記載「拔河」一詞，可追溯到唐代《封氏聞見記》，當時此活動源自荊襄一帶水軍嘅「牽鈎」，靠人力以套上鐵鈎嘅繩索阻止船隻移動，後來演變成兩班人以繩索互扯嘅競技表演。至於現代國際8人制拔河賽，則由英國20世紀初倡導。雪玲分享拔河秘聞：「早於1900年第2屆巴黎奧運會，拔河（Tug of War）已成為競技項目，可惜奧委會於1920年為縮減賽事而取消。」輾轉至2002年，拔河再次被奧委會認可，成為世運會常設比賽項目。

拉手穿着的保護衣，右肩至手臂部分加入厚墊防止擦傷皮膚。

比賽用的繩材以圓周10~12.5cm、長28~33.5m的馬尼拉麻製作。

第1招：同心叫喊

1、2、拉……拔河必殺技

玩拔河唔係一味靠蠻力，苦練以下4招，隨時女仔都拉得郁男仔！

第2招：鎖緊繩子	第3招：重心下移	第4招：肌肉鍛煉
國家拔河協會認可教練及香港拔河運動總會秘書長陳雪玲，認為拔河能體現團體合作精神。