Xperia T2 Ultra巨芒美顏王

大芒手機好多人都Like，但大如6.4吋芒嘅Xperia Z Ultra，就非人人可以接受。為此，Sony加推Xperia T2 Ultra，特意將屏幕降至6吋大，配合厚度只有7.65mm機身，在巨芒及纖巧之間取得平衡。另一賣點是引入「實時美顏」功能，自拍時可加入10款妝容，隨時好玩過《美圖秀秀》。

售價︰$3,498

妝容隨時變

為照顧喜愛自拍的人士，Xperia T2 Ultra加入「實時美顏」功能，當中包括煙熏眼效果，又或古銅、日妝及自然效果等，其他拍攝功能還有全高清錄影、AR虛擬效果、背景散焦及31張連拍等，夠晒好玩。新機定位中階市場，硬件規格難免縮水，內置Qualcomm 1.4GHz四核心處理器及1GB RAM，用料只屬一般。制式方面，它支援6頻LTE+網絡，帶去歐美、日韓都能以4G上網，本月預計會有3G雙卡雙待的T2 Ultra dual推出，想用雙卡的人士不妨等多一陣。值得一提，此機雖然打正Xperia旗號，但並不防水，咪掉落水測試呀！