Bigshot砌機抓拍扭鏡啱Feel

30多件Parts

唔好以為Bigshot好似一般模型咁砌埋就玩得，其組件包括機殼、摩打、鏡頭、閃光燈、屏幕、電池等，合共有成30幾件咁多，而且組裝時需要扭上幾口螺絲作固定，少啲耐性都砌唔掂。廠方表示，此機適合8歲至108歲人士玩，小記跟住說明書慢慢砌，大約花上20分鐘先至完成，最花時間嘅部分係扭螺絲，所以小朋友製作時最好有家長陪同下一齊玩，作為親子活動都係一個唔錯選擇。而機身內置記憶體，約可儲存120張JPEG相片，影完相經USB便可過落電腦欣賞。

手攪充電倡環保

Bigshot定價千元有找，相信各位都唔會對其硬件有乜期望，事實上佢得300萬像素畫質，旨在讓各位享受砌機樂趣。另一有趣嘅地方係電池部分，大家常接觸嘅相機，多數入鋰電或者筆芯電，每次閒閒哋影到幾百張相，但新機改玩手動發電貫徹環保精神，用家只需攪動機旁的搖桿，便可為相機提供電力，而且充電時相機會着燈提示用家。雖然電池有500mAh電量，但小記實試後發覺要攪好多下先影到幾張相，最耗電嘅地方應該係LCD屏幕，為穩陣起見，建議用家一得閒就「攪攪佢」。

Bigshot組件有成30幾件咁多，主要有機殼、摩打、鏡頭、閃光燈、屏幕、電池等。

砌機Step by Step Step 1：首先為相機嵌入齒輪和摩打。

3種拍攝效果

新機着重玩味多於畫質，特別用上Swiss Army Lens萬用鏡頭，而且有3種玩法咁多，包括標準拍攝、廣角拍攝及3D立體拍攝，只要扭一扭鏡頭即可切換。普通抓拍或影Wide Angle就試得多，相信大家最想知點樣影3D相。其實它透過鏡頭以Side-by-Side技術把畫面一分為二，所以影出嚟張相，會變成兩個直度畫面，用家只要經電腦安裝官網提供的專屬軟件（www.bigshotcamera.com），即能轉換成紅藍兩色的3D相，用隨包裝附送嘅紅藍3D眼鏡就睇到立體影像，夠晒過癮。

在機旁以螺絲裝實搖桿，並嘗試攪動測試齒輪是否運行順暢。	安裝核心部分的底板，內裏有齊鏡頭、屏幕、拍攝模式轉盤。	將摩打和電池與底板連接後，最後蓋上Swiss Army Lens鏡頭。

規格表

畫質：300萬像素

放大圖片	不停攪動機旁的搖桿，先至影到幾張相，為咗環保係要出多幾分力。	雖然相機具備光學觀景器，但影相時屏幕會以Live View顯示畫面。
附有一副紅藍3D眼鏡，方便於電腦上觀看立體影像。	試相區 標準拍攝：視角只有40度，可用作一般拍攝，沒有任何效果。	廣角拍攝：80度Wide Angle，覆蓋範圍更多，邊位略有變形。
3D立體拍攝：畫面會一分為二，經軟件轉換成3D藍紅效果，並變成直度相。

鏡頭：Swiss Army Lens

屏幕：1.4吋

體積：129×72×40mm

重量：190g

撰文：黎子豪　

攝影：蔡浩文　

模特兒：Kayze（Reborn Production）

查詢電話：3102 2783