兒童平板益智鬥法

過兩日就係兒童節，機Gor身邊唔少廿四孝老竇，都話想買番份禮物畀仔女，除咗要新奇有趣之外，最好梗係可寓學習於娛樂啦！機Gor揀咗兩款專為小朋友而設嘅平板電腦，包括兒童大牌ItsImagical出嘅Paquito Mini，同埋Samsung銀河艦隊GALAXY Tab3 Kids，一於拎佢哋嚟比併，睇吓邊款最啱細路仔。
售價：$1,999（a）
售價：$1,999（a）

Paquito Mini兒童大牌

有留意開兒童產品嘅家長，應該對ItsImagical不感陌生，呢個品牌有逾20年歷史，仲係全球最大玩具零售公司之一。近年廠方踩過界推出手機、平板等，最新就有呢部Paquito Mini。

其外形有幾分似iPad Mini，但骨子裏行Android系統，最特別係用咗自家研發嘅magicOS 2介面，無論功能或內容統統為兒童度身訂造。

插頭一排過置於機頂，惟必須透過特定火牛充電。
  • 插頭一排過置於機頂，惟必須透過特定火牛充電。
售價：$1,998（b）
  • 售價：$1,998（b）
支援microSD記憶卡，過兒童短片或內容都好方便。
  • 支援microSD記憶卡，過兒童短片或內容都好方便。

規格表

處理器：1.2GHz四核心

記憶體：1GB RAM、8GB內存、支援microSD卡

屏幕：8吋（1,024×768解像度）

鏡頭：（前置）30萬像素、（後置）200萬像素

對外連接：HDMI、藍芽、microUSB、Wi-Fi

電池容量︰4,000mAh

作業系統：Android 4.2

體積︰207×149×9.5mm

重量︰425g

GALAXY Tab3 Kids可愛設計

一般Samsung平板的機身多用上黑、白兩色，呢部Tab3 Kids卻用咗搶眼嘅黃色，仲引入可拆式保護套連手把設計，之唔係為咗吸引小朋友用家！其機身硬件則與7吋GALAXY Tab3一模一樣，但特別整咗個「孩童模式」，可由傳統嘅Android介面轉成一個花綠綠加超大圖示頁面，細路睇到肯定超興奮。

Paquito Mini大部分Apps採用橫向介面，不過重量有成425g，長時間拎住都幾攰。
  • Paquito Mini大部分Apps採用橫向介面，不過重量有成425g，長時間拎住都幾攰。
Win<br>Tab3 Kids備有特製保護套，揸住手把便可輕鬆拎機，亦可成個機套拆出嚟。
  • Win
    Tab3 Kids備有特製保護套，揸住手把便可輕鬆拎機，亦可成個機套拆出嚟。
Win<br>另購的I-wow系列實體玩具，可配合Apps玩，趣味即時提升。
  • Win
    另購的I-wow系列實體玩具，可配合Apps玩，趣味即時提升。
Tab3 Kids機套內置C-Pen手寫筆，粗身筆桿幾易揸。
  • Tab3 Kids機套內置C-Pen手寫筆，粗身筆桿幾易揸。

規格表

處理器︰1.2GHz雙核心

記憶體︰1GB RAM、8GB內存、支援microSD卡

屏幕︰7吋（1,024×600解像度）

鏡頭︰（前置）130萬像素、（後置）300萬像素

對外連接︰藍芽、microUSB、Wi-Fi

電池容量︰4,000mAh

作業系統︰Android 4.1

體積︰188×111.1×9.9mm

重量︰302g

Parental Controls知多啲

近年Gadgets的使用者年齡愈來愈小，為有效控制小朋友所接觸的內容，不少產品都加入家長監控（Parental Controls）功能，它主要分為4類：過濾敏感內容、調控使用時間、用量管理工具、監控系統活動。其實早於2009年的iOS 3.0，Apple已首度於流動裝置加入年齡管理應用，今次比併的兩款Android平板，亦可調控使用時間及限制瀏覽內容。

第1回合：機身設計鬥體貼

小朋友嘅手仔比較細，冇大人咁易操控平板，所以機身設計尤其重要。8吋芒嘅Paquito Mini以金屬物料打造，機身有成425g，小朋友長時間拎住都幾辛苦。反觀Tab3 Kids除咗302g冇咁重，最正係有個手提式保護套，以防震嘅膠Bumper圍邊，唔驚小朋友掟壞部機；另有手把方便拎住四圍走，更可當埋座枱支架使用。順帶一提，機套符合美國消費者產品安全委員會嘅標準，媽咪應可放心。

第2回合：兒童內容鬥豐富

比併嘅戲肉當然係有乜益智內容。Paquito Mini內置自家商店「PaquitoLand」，用家可藉此下載音樂、書籍等近100個為小朋友而設嘅Apps，12歲前嘅小朋友都啱玩。最特別係用家可另購I-wow系列實體玩具，好似I-wow Blocks 3.0配件有不同字母、數字及圖案嘅骰子，透過機座內置感應器跟平板互動。而Tab3 Kids配件比較少，較特別係機套內藏C-Pen手寫筆，適合用嚟玩畫畫、填色等遊戲；機身內置12款益智遊戲，包括考創意嘅《TOCA Hair Salon 2》等，仲可去「孩童的商店」下載Apps添。

第3回合：家長管理鬥全面

小朋友玩得開心，但家長最怕佢哋沉迷分心，所以一定要控制小朋友嘅玩機時間。Paquito Mini內置「Parental Controls」功能，除咗可設定小朋友可用嘅Apps、可瀏覽網頁之外，仲能設定每日登入及使用時間。Tab3 Kids亦有「家長監控」一欄，家長可預設每日使用上限，亦能共享指定媒體內容及應用程式等，確保小朋友唔會亂篤到其他Apps或檔案。

達人教路：Bravo Kids' Land課程總監Carol︰「家長陪住一齊玩。」

「如果畀小朋友玩平板電腦，最好揀啲有思考時間嘅Apps，包括eBooks、英文拼串、數概等，可增強小朋友思考力及學習趣味。但要留意一點，不應鼓勵小朋友玩追求過關、缺乏思考的內容，免得小朋友沉迷。家長亦需限制小朋友使用平板的時間，並且陪同小朋友一齊玩，每5至10分鐘與小朋友進行討論，避免他們成日望住屏幕畫面。」

機Gor Report：Tab3 Kids大小通吃

兩機嘅定價均$2,000有找，其實機Gor幾鍾意Paquito Mini，可另購實體玩具作互動，但佢嘅magicOS 2平台專為小朋友而設，對大人嚟講介面似乎幼稚咗啲。而Tab3 Kids嘅兒童內容相對冇咁多元化，但勝在撳個掣即可退出「孩童模式」，變回傳統Android介面，小朋友唔玩嘅時候，大人用嚟煲劇都好Easy，一物二用更加抵！

Profile

機Gor

機不離身，不信Spec只信測試，不扮高深，懶理低俗，貪新不忘舊。

查詢電話︰（a）2778 0911、（b）3698 4698

撰文︰機Gor