車水馬龍睇巡遊攞頭彩

海外團隊 出神入化

每年巡遊焦點都是色彩繽紛的花車，今年不少花車加入瑞馬設計，如滿載米奇氣球的迪士尼樂園花車，兩側伴以巨型彩馬，寓意「雙馬報喜」；海洋公園也以「海洋奇觀」海馬品種作主題，將花車變成一片充滿生機的海床。此外，10支國際演出隊伍裏，有8隊屬新面孔，當中最矚目是來自新加坡的「星光火焰劇團」，表演者將揮動火把、着火繩索等進行連串高難度動作，又拋又擲舞到出神入化。而由千里達、巴貝多與聖盧西亞來港的劇團，則穿着特色造型及作鋼鼓樂隊表演，觀眾萬勿錯過。

小丑扭波 單車舞龍

花車巡遊跟國際團隊要到8:00pm才開始演出，為了提早炒熱現場氣氛，大會約於7:00pm安排本地表演團隊，沿巡遊路線作多項特色演出，除了爵士舞、步操、舞龍舞獅等傳統節目外，今年更首次由近80位大專學生及青年組成單車隊，利用懸掛於車架及身上的LED裝置，由全運會單車金牌得主何兆麟帶領，於廣東道及彌敦道上演「單車舞火龍」，指定表演點更會模仿飛龍玩「S形擺動」及「打圈盤龍」等花式。

今次的巡遊主題將包裝成「馬戲團」場地，榮獲世界小丑錦標賽冠軍的「香港小丑王」Kenneth，會聯同26位小丑大搞馬戲派對。他們除了會玩雜技、穿着氣球衫、踩高蹺與操控單輪車外，亦會跟其他表演團隊Crossover，演出一齣尋寶短劇，寓意將財富贈予全港。Kenneth更會即場跟觀眾扭波互動，將氣氛推至高峰。

隔空影相 光圈先決

睇花車湊熱鬧嘅人潮一年比一年多，大家若想影到靚相，甚至同花車或小丑合照，其實簡單用部智能手機就搞掂。精選位置除了起點的文化中心，海防道及彌敦道亦屬拍照熱點，捕啱靚位後便可拎「神器」出嚟，不少手機已內置多種特效，如Xperia Z1內建擴增實境功能，可於畫面加入有趣動畫；HTC One Max則支援Video Highlights功能，將相片加入音樂串連成微電影。想再靚啲？咁就要帶埋Sony QX100分離式鏡頭傍身，它對應iOS/Android系統，只要預先於智能手機下載《PlayMemories Mobile》App，即可經Wi-Fi遙距操控3.6倍變焦鏡頭拍攝，配合光圈先決嚟影「單車舞火龍」或「星光火焰劇團」，便能拍出靚靚效果！

新春國際匯演之夜

日期：1月31日（年初一）

時間：7:00pm~9:45pm

地點：尖沙咀香港文化中心

途經：香港文化中心出發 > 沿廣東道往海防道 > 右轉彌敦道 > 梳士巴利道 > 喜來登酒店外終點

查詢電話：（a）8203 8863、（b）2345 2966、（c）3077 5588

撰文：廖俊斌

部分攝影：張錦昌

模特兒：Memi