年幼時很喜歡跟媽媽辦年貨。媽媽一向視糖果和零食為洪水猛獸，家中存貨極少，難得在過年前到雜貨店「大舉掃貨」，店內全是我夢寐以求的零食，未入門口已經流晒口水。雖然媽媽強調：「眼看手勿動，呢啲係買來招呼拜年嘅親友！」我一於當「耳邊風」，單是四處試食，已令我大快朵頤。
長大了，覺得該做一些「大人做的事」，辦年貨就是其中一樣。某年年尾，我膽粗粗的隻身闖進一雜貨店，老闆娘一邊咬着瓜子，一邊說：「靚仔，要咩呀？」 年少無知的我，一聽到「靚仔」二字便喜上眉梢，跟她說：「想辦年貨！」老闆娘便帶着我在店內巡遊， 沿途大方地邀請我試食，結果我買了全盒必備的瓜子、糖冬瓜、瑞士糖、啫喱糖、糖蓮子等，另外買了大量個人喜歡的發達糖、白兔糖、蛋散和油角等，共買了10多包。結帳時， 我特地效法媽媽：「計平啲啦！」老闆娘笑盈盈的說：「見你咁靚仔，計你9折啦！」我拿着一大袋年貨離開，心裏沾沾自喜。踏入家門，我帶着邀功的語氣，將戰利品展示給媽媽。殊不知，她面色一沉：「你喺邊度買？買咗幾多錢？」我如實招來，媽媽便仰天長嘆：「唉，你唔識買啦！畀人呃喇！」我的心如遭重擊，面如死灰，媽媽一直在數算我如何被人「搵老襯」，又說：「佢見你懵閉閉， 梗收貴你啦！」 我死命不信，更維護那名讚我「靚仔」的老闆娘：「可能今年加咗價呢！」翌日，母親挽了一大袋年貨回家，分量足足比我的多1倍，她故意問我：「你估呢度幾多錢？」我心知不妙，不欲再和她說下去，但她堅持要說出真相：「你一半價錢都唔使！」那一年，我決定獨吞自己買回來的年貨，並決定從此不會再辦年貨。這些事，還是留給家中的女人去做吧！
網址：www.facebook.com/newpapaclub