129顆閃石法拉嗒SUGAR

閃令令嘅產品一向深得女士歡迎，戒指、指甲要Bling之外，如果連手機都閃爆全場就更Perfect！剛抵港嘅SUGAR可以話為女士度身打造，廠方特別與SWAROVSKI合作，於機側鑲嵌129顆閃石，遠睇近睇都閃到暈，難怪連法拉都大讚新機外形閃亮又高貴，襯晒佢咁話！

連包裝盒都加入仿鑽石質感，既美觀又高貴。

人手鑲嵌

來自法國的SUGAR雖屬新進品牌，但與其他手機廠不同，旗下產品唔會獨沽一味鬥機能，反而強調自己係首飾手機。叫得做首飾手機，外形當然要靚，所以頭炮與SWAROVSKI合作，於手機側邊鑲上129顆、合共5.16卡閃石，令新機外形勁Grand。廠方表示，整個鑲嵌過程以人手進行，單係鑲嵌程序已需時258分鐘，另外要進行60分鐘打磨，極之嚴謹！除了閃石外，機面和機背設計亦分外誘人，機面印上菱格細紋，Home鍵換上鑽石圖案；而機背則刻上六角形Monogram，光線照射下甚有星空感覺。

配件貼心

機身設計特別，估唔到連配件都精緻過人，其包裝盒採用仿鑽石設計，外觀同樣閃爆。跟機附送的耳機、防塵塞甚至microUSB線的軟膠綁帶，統統加上閃石，極具心思。值得一提，新機提供Paris Pink粉紅及Blanc White白色選擇，而機側閃石會配合機身配色，好似白色配色會搭上銀白色閃石，粉紅機身則會換上粉紅色閃石，單係這份細心已值得一讚。

機背加入Monogram，燈光照射下會有仿星空效果。

售價：$4,880

美顏自拍

SUGAR賣靚樣之餘，規格亦不輸蝕，搭載5吋全高清屏幕、1.5GHz四核心處理器、2GB記憶體，規格直逼其他旗艦手機，運行Android 4.2系統下，換頁、開Apps、睇片都非常流暢。廠方深明女士愛自拍，故於1,300萬像素後置Snapshot鏡頭外，加入800萬像素前置鏡頭，還支援美顏功能，可自行調校膚色和白滑程度，黑眼圈、暗瘡全部一按飛走，上鏡自然索過人！

耳機、microUSB線的軟膠綁帶均加入閃石。	前置鏡頭達800萬像素，自拍唔再矇查查。	SIM卡槽需要使用特製匙形針方能開啟，有心思！
連耳機防塵塞都加入閃石，同機身襯到絕。	Home鍵換成鑽石圖案，超靚！