高人劉子試Solio Gel頭都唔頂

對於一般人來說，揀車多數着眼外形和性能，空間感通常都是緊隨其後，但對高大的籃球員劉子健（花名：劉子）來說，車廂空間是否足夠，尤其是頭部及腿部伸展，卻是揀車的首要考慮。鈴木（Suzuki）日本本土版Solio盒子車雖然細細架，但卻有「空間王」之稱，今次就邀請高人一等的劉子走進「盒子」，一試便知龍與鳳。

售價：$153,800

坐後排無得頂

南華籃球隊正選小前鋒劉子身高183cm，雖然生得高有着數，睇煙花唔使擔櫈仔、行路都少人好多步，不過亦有煩惱及經歷。就好似坐朋友順風車，坐進車廂十居其九都頂頭頂腳，全程車低着頭，孿弓蝦米做人。不過，筆者刻意讓他試坐高度只到他肩膊的Solio，他一眼看見當然半信半疑，直至走進車廂，疑慮立即全消。Solio的車身高度為1,765mm，車廂高度就有1,345mm，劉子坐進後排一試，頭部仍有接近200mm的空間。他還笑着說：「即使今日Gel起啲頭髮都唔會到頂，頭部空間仲有一隻手掌位剩，真係估佢唔到。」至於2,450mm的軸距也提供特長的腿部空間，劉子膝前還有大把空位，甚至有位擺放背囊，全程坐得舒舒服服，可想而知車廂的空間有幾可觀。

載物量高合年輕族

唔止車廂，連尾箱的儲物空間亦不少，儘管測試當日全車滿載，尾箱亦能吞吐一大袋籃球、兩盆飲品、一大個裝滿波衫的運動袋及練波用的雪糕筒後，依然有位剩。若有更大的載物需要，將後座靠背放平，便可將載物深度增至1,284mm。Solio當然唔止尾箱大，車廂內的隱藏及非隱藏儲物格約有20處，包括前乘客座椅下的可移取式雜物匣，方便收納瑣碎物品。劉子就特別鍾情車廂內多處備有飲料存放架。他解釋，每次練完波出完汗，走進車內，最方便莫過於隨手可拿起運動飲料來補充水分。再者方匣子的造型，深淺不一的車身線條，成功營造Muscle Look，頂置小尾翼更滲出動感氣息。加埋採用了雙趟門設計和大面板音響，襯晒劉子這類年輕好動一族。

平均耗油量低見20.6km/L，相當慳油。

身高183cm的劉子高過Solio成個頭。

4月前出車享環保稅

劉子每星期有3天要往港島練波，而星期一至五亦會到荃灣及沙田教波，經常攜着很多籃球用品周圍去，但出入都是乘坐公共交通工具，儘管他早在2007年已考獲駕駛執照，但這些年來都沒有出車。他坦言：「自己有車的確方便好多，但每次想到養車的開支，包括租車位、入油及維修保養等，便把念頭打消。」其實現在不少新車，正如今次測試的Solio般，燃油效率不俗，平均耗油量低見20.6km/L（日本JC08模式），即大約$0.8走一公里，而且在4月1日前出車仲有環保稅務寬減優惠，只需十餘萬便可出部新車。加上新車很少需要維修，頂多每隔半年換一次偈油，其實值得考慮。

中控台設計簡潔，而且將波棍台融入其中，為營造空間出一分力。

將後排椅背摺合放平，即可大增載物空間。

前座同樣寬敞，三幅式軚環手握感舒適。

規格表

車型：五門五座位揭背車

這個隱藏式儲物匣設於前排乘客席下方，附設手抽方便打開。	搭載1.2L直四引擎可輸出91ps馬力，在香港路面行走綽綽有餘。	置身「空間王」，高人唔使再屈住，可以舒舒服服乘坐。
放了大袋籃球、雪糕筒、一大個裝滿波衫的運動袋和兩盆飲品，尾箱仲有位剩。