昨天提及，朋友B負責打理某糕點麵包店，遇上各式各樣的變態香港顧客 —— 真的各式各樣，天天新款，日日不同。我們常埋怨個人遊來港消費有百般不是，其實土生土長的香港市民也足以弄得服務員發瘋。
這天有名女士進入店舖，她問坐在櫃枱後的朋友B：「麵包係唔係做緊買二送一優惠？」朋友B答是，她立即說：「啊！你話o架！」然後跑到麵包架挑選3個麵包，再回到櫃枱擺出準備付款動作，嘴巴卻在說：「呢度3個麵包，我買兩個平嘅，你要送貴嗰個畀我！」
朋友B說：「小姐，通常係送平嗰個……」話未說完，女士已疾呼：「啊！你蝦我！」此時全場人士都瞪着朋友B，萬分尷尬。
她繼續說：「你以為老人家就好蝦啲？我有長者卡！我真係有o架！我拎畀你睇！」朋友B目測這位女士年約40多歲，心知不妙，惟有決定破財擋災：「咁啦，係我唔啱，係我唔着，呢3個麵包我送畀你啦！我自己出錢買畀你啦！」
話剛說完，女士又疾呼：「啊！你侮辱我！」此時全場人士再度瞪着朋友B，轉數向來極快的他一時間也答不出半句話，Dead Air了半晌，女士非常不悅地說：「我唔走！我要坐喺度坐到你收舖！」此時全場人轉移瞪着女士，大家都了解到她的精神狀態，朋友B亦終於洗脫蝦人嫌疑。過了一陣子，女士黑着臉離開，3個麵包遭徹底冷落。
網址：www.chan-wai.com