Grand Memo LTE 5.7吋「速」勢待發

近日內地瘋傳快將發出4G牌照，好多手機商都磨拳擦掌出新手機。那邊廂內地4G戰線未開之際，這邊廂香港嘅4G市場已經百家爭鳴。最新有內地大廠ZTE，推出定價三千頭嘅Grand Memo LTE，除咗屬市場少見嘅中階4G手機外，更備有5.7吋巨芒，用嚟串流睇片快夾爽！

磨沙機背唔易跣手，兼備1,300萬像素鏡頭。

大芒色彩自然

第一眼睇Grand Memo LTE，設計確實冇乜驚喜，皆因全黑配色加上渾圓機角，設計偏向大路；要讚嘅係機背用上磨沙物料，備有防滑功能之餘，手感亦唔錯，單手揸住「煲粥」都唔攰。而新機焦點在於5.7吋大芒，尺寸同GALAXY Note 3一樣，惟解像度只得720p，論畫質細緻度難免輸蝕。好在採用IPS面板，可視角度高兼色彩自然，睇得舒服；加上機背喇叭支援Dolby Digital Plus音效，環迴立體聲好明顯，最啱用嚟煲劇。

兼容香港4G制式

新機主打平玩4G，香港常用嘅1,800MHz及2,600MHz LTE頻譜都兼容得到，代表各大台嘅網絡都用到。小記試玩時發現3G、4G網絡切換時相當順暢，冇出現斷線等情況；以《OFCA》App測試時，下載速度平均約20Mbps，載入facebook、網頁甚至睇YouTube短片都極之快速，等都唔使等！上網速度夠快，機能當然要配合，新機內置Qualcomm 1.5GHz四核心處理器及2GB記憶體，打機、睇片完全應付到。系統方面則預載Android 4.2，並換上廠商自家介面，主頁、Widgets都經過精心設計，仲有鎖頁快捷鍵、狀態欄快捷頁、虛擬功能鍵等功能，新鮮感贏晒。

售價：$3,298

支援最多32GB microSD記憶卡，過歌、傳相都好方便。

規格表

制式：GSM四頻、WCDMA、LTE

全面兼容香港4G網絡，串流睇片流暢。	5.7吋大芒一手「掌」握！	GALAXY Ace 3 4G走入門路線，設計猶如縮細版S4。售價：$2,398
Nexus 5由LG代工，機能接近同廠G2，不過價錢就抵得多。售價：$3,198（16GB）、$3,588（32GB）