以App傳情 盛Lady救星
黃子華喺新劇幫盛Lady找尋美滿姻緣，集集金句兼爆笑，然而劇中某程度都幾反映真實。據調查顯示，目前香港單身而又適婚嘅男女達70萬人，盛男盛女通街都係。最近有網絡商針對單身人士引入《愛情公寓》App，可透過手機或電腦，與理想對象聊天、交友甚至贈送虛擬禮物，臨近佳節唔想過Lonely Christmas不妨諗諗！
台灣最大網上配對
《愛情公寓》在香港算係新服務，但其實它早於2003年已在台灣推出，輾轉十年間不但成為當地最大交友平台，還成功幫助16萬名會員在現實中結為夫婦，稱佢做網上婚姻介紹所亦不為過。其服務由最基本的「聊天室」、「留言版」，到類似寫Blog的「心情貼」都有；用戶更可透過配對系統，按性別、年齡、嗜好等條件找尋理想對象，若雙方都合眼緣的話，只要按「感興趣」即能傳情達意，否則就乾脆Say No來回覆對方，省卻大家的寶貴時間。
過濾系統保障用戶
上網交友最怕畀人呃，為保障用戶，《愛情公寓》另一賣點是設有多重認證機制及過濾系統，會員既要年滿18歲，填寫資料時也不能用假相。據知，系統還嚴禁用戶在自我介紹中打出「一夜情」等字眼，用戶更可透過網上檢舉制度投訴。除安全以外，其特色功能也不少，例如可利用GPS找尋附近5公里內的網友；透過網頁建立「個人公寓」，再邀請心儀對象成為室友。收費方面，經3香港上台出機或為手機升級的用戶，選用《愛情公寓》為指定增值服務，可以$28月費享用；而其他3香港客戶則可以$49月費獨立申請為白金會員。
平台：iOS、Android
交友Apps推介
講到交友Apps，當然唔止《愛情公寓》，以下就介紹多兩款畀大家，等各位擴闊社交圈子。
《遇見》內地熱爆
這App又名《iAround》，早年推出曾連續20個月打入內地社交Apps十大之列，最大賣點在於GPS定位交友功能，一開地圖便能找到附近的俊男美女，加上內地有超過2,000萬名註冊用戶，返內地使用時分分鐘可覓得一段異地情緣。
平台：iOS、Android
《Skout》全球交友
《Skout》於2009年在美國興起，號稱全球交友平台，每天新註冊用戶達10萬人之多。惟缺點是很多進階功能皆實行積分制，「誰人查看過我」、「儲存相片」等都要積分才可使用，某程度是逼用戶付費購買！
平台：iOS、Android
撰文︰陳志滔 部分攝影︰陳富權 查詢電話︰3166 2222