《雷神奇俠2：黑暗世界》剛上畫，作為Super Hero粉絲，電影當然要睇，1:6 Figure更不容錯過，這個由Hot Toys炮製嘅新版雷神，頭雕由K.A. Kim及JC. Hong聯手製作，膚色、皺紋及輪廓都極為像真，並採用軟膠頭髮，令髮絲有層次得來更易打理。
新版雷神最大賣點係改用包膠雙臂，不但肌肉感盡現，還避免關節外露問題，加上手臂與Body分家，擺甫士更自然靈活。戰甲則有兩個版本，一個係有袖嘅普通版，一個則係外露雙臂嘅阿斯嘉輕甲版，無論邊一個版本，戰甲表面都經過舊化處理，配合黑金兩色，感覺極為戰鬥格。配件則只有4對造型手及合金鐵錘，數量較少，幸好普通版送多件黑色披肩，否則實在有減價空間！
撰文︰陳志滔
查詢電話︰3722 3988