雖然楓葉尚未變紅，但還是決定與朋友先去一趟京都，10月31日凌晨1時15分向大阪關西機場出發，本來毫無難度的通宵客機，竟然出現一回搞笑危機。
話說10月30日晚上11時30分，各界朋友陸續抵達機場辦理登機手續，其中兩位美女遲遲未蒲頭，我在WhatsApp問她們何時到埗，2分鐘後美女G致電給我，她尚未開聲已嘆了一口氣，我便知悉事情必定出現岔子，她說：「即係咁，乜我今晚要嚟機場咩？」其語氣好像在恐懼中極力保持冷靜，我也盡量輕鬆地說：「係呀，31日凌晨起飛，即係30日夜晚要到機場囉，而你係應該已經到埗啦！」她只拋下一句：「咁我即刻嚟，你通知美女J啦！」便掛了線。
我致電美女J，她的反應當然很精彩，完全嚇個措手不及，嘴巴只能不斷在說：「吓？咁點呀？我依家係唔係要嚟呀？」諸如此類。
整件事情最有趣的是，美女G是旅遊雜誌記者，美女J是飲食雜誌編輯。前者以飛行維生，後者雖不必常常出門，但從來不是大鄉里出城。最值得慶幸的，是兩位美女在登機櫃枱關閉前成功Check In，雖然急趕得花容褪色眼睫毛脫落兼唇膏忘了攜帶。
我們都以為，從事旅遊工作的人，對旅遊一定萬無一失，現實卻是另一回事。曾聽聞某資深旅遊記者，在成田機場太專注Shopping而錯過了返港航機。愈視作理所當然，愈容易出錯。
網址：www.chan-wai.com