今年好多球隊都換咗新帥上場，可惜成績未如人意，令唔少球迷邊睇邊鬧，想親身做領隊督軍咁嘅款。其實只要玩新推出嘅Android免費遊戲《足球經理人》，各位便可搖身一變成為球隊揸Fit人，買賣球員、訓練比賽等都由各位一手掌握。
球會經營遊戲愈出愈多，想突圍絕對唔易。《足球經理人》玩法全面，玩家不但要做教練Train球員，以及參加盃賽聯賽，仲要買賣球員、建設場館等，認真唔簡單。玩家最關心莫過於比賽夠唔夠刺激好玩，遊戲提供7種比賽模式，不僅可同朋友玩「1V1挑戰賽」，更可參與「榮譽之戰」，與300多隊球隊比併，最終更要挑戰實力強橫的國家隊以換取球星加盟。
撰文：孔慧思
網址：http://sm.gameone.com