去旅行少不免要帶太陽眼鏡，若貪靚帶多幾副又要帶多幾個眼鏡盒，又怕鏡片花，又怕冇位放。有見及此，本地眼鏡品牌溥儀眼鏡特別引入Oliver Peoples for Porter聯乘太陽眼鏡，賣點是可摺合式設計。
新設計以醋酸纖維製造，而金屬部分採用鈦金屬，配以自家研發的螺絲及鉸鏈，以及復古的鑰匙孔鼻樑設計，眼鏡設計和物料一絲不苟，而且只需五個步驟就可以將眼鏡摺起，放入防水尼龍眼鏡袋，十分方便。