日產Serena 開心滿載 Super Gear 至 Iike

樂壇女子組合Super Gear出道一年多，各成員關係良好，耐不耐約埋一齊四出遊玩，不過成員眾多，要一次過約齊16位出動就有點難度，今次其中4位靚女隊員Kinki（葉曉婷）、Milky（梁婉微）、Bear Bear（鄭頻敏）及Sylvie（林英漣）就相約一起與日產（Nissan）Serena Green Highway Star SH同遊白石打golf兼食串燒，歡度愉快的一天。

售價：$295,800

大讚內櫳寬敞夠靈活

講到遊車河，又要一車過舒舒服服載4位靚女去玩，八座位的Serena Green Highway Star SH便大派用場。Serena的內櫳擁有不少深得Super Gear成員歡心的設計。喜歡遊車河的Bear Bear鍾意大車窗，置身車內可坐擁360度全景觀視野，飽覽沿途好風光。跟Bear Bear同屬無牌一族的小肥Sylvie笑指，步入初秋與一班好友到郊外BBQ，隨行不少得一袋二袋燒烤食品、用具及手提冰箱存放飲料，而Serena的靈活可變車廂空間便最啱心水。本身是車主的Kinki最愛靈活的座椅布局，尤其是將中排兩張獨立座椅放平，與後排形成寬敞的臥床，無論躺着休息或是透過大天幕觀景同樣寫意。剛由「學神」榮升P牌仔的Milky就最like中排附設的半透明太陽簾，拉下阻擋猛烈陽光，又不影響欣賞風景。

打golf兼海景BBQ

4位Super Gear成員不但懂得選擇座駕，連遊車河地點亦好識揀，今次往坐擁無敵吐露港海景的白石俱樂部，位處馬鞍山烏溪沙，場內主要分高爾夫球練習場及燒烤場兩部分。高爾夫練習場設近百條球道，一家大細或一班好友來到，不妨租一條球道輪住打，體驗打golf的樂趣。燒烤場靠近海旁，最近還新增串燒區，供應各式海鮮、肉類和素菜等近五十款美食。為減低燒烤濃煙，他們還採用了環保微煙炭，每個爐位上方均裝有強勁的管道式抽氣系統，並裝有多部風力特強電風扇為大家送爽，提供一個愜意的燒烤空間。此外，場內設有大量車位供免費泊車，十分方便。駕車前往只要朝馬鞍山方向行駛，經馬鞍山繞道駛至烏溪沙站對開回旋處，跟着「白石」路牌由西沙路左轉入落禾沙里，並直駛至盡頭即達。

爐位上方裝有吸力強勁的管道式抽氣系統，濃煙很快便被吸走。

串燒場內提供美食近五十款，海鮮、肉類和素菜等各式美食，選擇極多。

馬力147ps 油耗不高

儘管Serena車身件頭有番咁上下，但卻意想不到的慳油，這要歸功於導入了最新的S-Hybrid系統，透過增大ECO Motor的發電能力及輔助電池，提高了Idling Stop的時間長度及頻密度。今次駕駛Serena Green Highway Star SH穿梭港、九和新界，期間既途經繁忙擠塞的道路，亦有駛過高速公路，根據儀表板顯示，這4天耗油量介乎10.3km/L至10.6km/L，雖然平均油耗比廠方公布的15.2km/L少了達三成，不過按燈位多及車多的香港道路情況而言，得出此數值實屬正常。Serena不單止慳油，性能表現亦不俗。此車搭配一副2公升直四引擎及XTRONIC CVT波箱，擁有最大馬力147ps及峰值扭力21.4kgm，上斜時毋須對引擎作出很大催谷，半油門已有不錯的加速表現。