東京直擊！戰國‧維新席捲TGS

排長龍「入城」試玩

Capcom首次公開試玩的《戰國Basara 4》，以浮誇造型大玩日本戰國武將，除保留人氣角色如伊達政宗和真田幸村外，當然少不了追加新角色如尼子家的山中鹿之介、德川家女將井伊直虎等，絕技亦新增雙人協力「戲畫Basara技」。其展區更以城池為概念，小記排隊「入城」後，一邊聽Game Girls解說一邊打機，倍感投入。而SEGA也首次發表雙平台新作《人中之龍：維新！》，今次桐生一馬搖身一變成為維新代表人物坂本龍馬，見證薩長聯盟對抗新選組，雖然會場只得閉門影片播放，但仍吸引大批粉絲排隊爭睇，平均要等成45分鐘先睇到！

動漫高達遊戲當道

叫得東京遊戲展又點少得一眾日系動漫遊戲呢？今年最捧場嘅可說是NAMCO Bandai Games，由於佢哋嘅卡通人物「拉臣」特別多，適逢《少年Jump》創刊45周年，故特別炮製大亂鬥遊戲《J-Stars Victory Vs》，抽取人氣漫畫角色如《龍珠》悟空、《One Piece》路飛等，實行2 Vs 2大混戰。現場仲整咗個巨型立體浮雕，中間嵌有電視，狂播遊戲試玩片段，見到個個經典角色輪流使出必殺技，難怪勁多途人駐足觀賞。此外，高達動作遊戲都唔輸蝕，分別有從街機移植至PS3的《Gundam Extreme Vs Full Boost》，以及主打100架可使用機體的《真‧高達無雙》，兩款遊戲皆於今年底發售，現場備有多個試玩台，中間更有1:1高達頭像坐鎮，相當有氣勢。

NAMCO Bandai Games攤位設有卡通人物浮雕，中間嵌有電視狂播《J-Stars Victory Vs》遊戲片段。	《龍珠》悟空（左）鬥《狐忍》鳴門（右），睇見經已令粉絲心動！	試玩區中央擺放咗個1:1高達頭像，唔使去台場都可朝聖。

手機Games熱爆現場

今屆TGS另一特色，是勁多參展商推出手機遊戲，除咗主力嘅GREE同GungHo外，Capcom和SEGA亦大舉進軍手機遊戲市場，連同其他細廠，手機和平板試玩活動覆蓋整個會場。如GREE的冒險RPG遊戲《魔王軍Vs勇者》便推出外傳，Capcom又推出新芒亨iOS遊戲《Monster Hunter Smart》，利用屏幕捽芒獵龍，現場試玩仲可下載武器，難怪未上架已有玩家排隊拎着數！而以轉珠名作《Puzzle & Dragons》成名的GungHo，12月12日將出N3DS版，遊戲最正係可經Wi-Fi交換卡，仲取消埋課金制度，現場排隊試玩後即送N3DS試玩版遊戲帶，小記都排隊玩咗一轉。

《真‧高達無雙》使用立體畫面，以增加戰鬥真實感。	現場花絮 日本Game Girls一向「慷慨」，性感程度較香港遊戲展更高。	SEGA Game Girls向途人招徠，玩一鋪《魔法氣泡》即可拎走紀念品。
小記勁鍾意日本人扮卡通公仔，佢哋專業又識搞氣氛。	今屆大會吉祥物是一隻貌似蝙蝠嘅機械貓。	SEGA展區門口有Model扮藝伎任人影相。
展板畫晒《人中之龍：維新！》登場角色，下面排住長長嘅人龍，平均要等45分鐘。	Capcom手機遊戲《Monster Hunter Smart》的展區懸掛巨型紅火龍頭。	GREE攤位算係手機Game廠中最大，內有十多款遊戲供試玩。
冒險RPG遊戲《魔王軍Vs勇者》，將推出外傳版。	《Puzzle & Dragons》大熱，還攻入N3DS市場！

特派記者：廖俊斌　

鳴謝：Sony Computer Entertainment HK