GX7夜攝維園明月照人

MEGA O.I.S.防震

通常影綵燈都會建議大家帶埋腳架，但各位唔想重裝上陣的話，就要靠相機的防震系統幫手。以往Panasonic的無反相機均利用鏡頭O.I.S.防震模組穩定影像，不過GX7一反傳統，首次植入MEGA O.I.S.機身防震系統，就算配搭不同鏡頭都能修正影像，手持夜攝綵燈絕對不成問題。而新機採用1,600萬像素感光元件及Venus影像處理器，感光度最高可達ISO 25,600，配合降噪功能，現場環境再暗都冇問題。如各位都係怕手震，不妨使用5fps連拍提高命中率，或利用每秒40張電子快門拍攝，咁就萬無一失。

90度上揭觀景器

規格強勁之餘，新機外形仲煞食過人，備有全黑及黑銀色兩種Vintage風格選擇，最過癮是加入上揭式電子觀景器，能夠向上翻90度，即使要拍攝位於高處的綵燈或影人像夜景，都可因應需要而調校角度。

售價：$9,690（淨機）、$10,690（相機連20mm F1.7鏡頭）	地道美食 現場有極具風味的食物造型綵燈，包括巨型盆菜、巨型魚蛋串、巨型邊爐等，個個都係影相靚位。Model當然要即場扮食嘢，加上流晒口水嘅表情，效果有趣。	親吻財神 由香港設計、台灣師傅紮作的巨型財神綵燈「運財小福星」，樣子可愛，女生絕對難以抵擋。不妨向鏡頭走前一點，借個靚位錫佢一啖，添一添旺氣。

好多人怕喺綵燈會影人像，皆因捕得綵燈時，主體又會偏暗；Focus主體後，背景有時會爆光。其實如果機身防震足夠的話，大可利用慢快門吸收綵燈現場光，再用閃燈補回主體光線，咁就可以「人燈兩團圓」。GX7的好處是內置閃燈之餘，3吋可翻動屏幕仲支援篤芒操控，影相勁方便。

新增可90度上揭的光學觀景器，以低角度拍攝綵燈更方便。	廠方為GX7植入MEGA O.I.S.防震系統，利用感光元件位移修正抖動。	用上前後雙轉盤設計，模式轉盤亦設有PASM曝光模式。

Wi-Fi加NFC過相

唔想自己影嘅綵燈相同其他人咁似？新機內置22款濾鏡特效助你發揮創意，建議大家拍攝由LED加膠樽砌成的月亮綵燈時，不妨使用星芒濾鏡，可拍出Bling Bling效果。

要在綵燈會人景合一，閃光燈不可或缺，還設有HotShoe作擴充。	機背設有可向上翻80度及向下翻45度的觸控屏幕。	除了一般全方位防震，其實還有適用於「Pan鏡」的防震操作模式。

影完靚相，當然想將呢份喜悅Share畀親朋好友，透過機內的Wi-Fi及NFC技術，用家只要把兼容的NFC智能裝置觸碰相機手柄，即可簡單連線，再利用iOS或Android平台的《Panasonic Image App》，便能夠遙控相機拍攝或者過相，分享靚相一嘟搞掂。

備有眼部感應觀景窗AF功能，當眼睛靠近觀景器便會進行自動對焦。

試相區 節慶活動難免會人多擠迫，其實只要使用慢快門，即可將熙來攘往的人潮變成殘影，加上GX7的降噪功能，有效減少長曝帶來的雜訊，畫質毫不粗糙。

規格表

感光元件：1,600萬像素Live MOS

轉換系數：2倍

屏 幕：3吋104萬像素

快 門：1/8,000~60秒

感光度：ISO 125~25,600

其他功能：5fps連拍、1,080p拍片

體 積：122.6×70.7×54.6mm

重 量：360g

中秋市集及綵燈大觀園

日 期：由即日起至2013年9月22日

時 間：中秋市集 — 12:00nn~11:00pm（9月19日延長至12:00mn）、綵燈大觀園 — 6:30pm~11:00pm（9月19日延長至12:00mn）

地 點：銅鑼灣維多利亞公園

入場費：免費

撰文：黎子豪

攝影：張群生、郭凱敏

模特兒：Jackie X（Unique Model）

查詢電話：2833 0955