香港人太喜歡評頭品足，但凡看見新生嬰兒便要說：「真係好似阿爸/阿媽！」聽到別人說子女像自己，當然會從心底裏笑出來，但假如聽到的是相反，那就真的不是味兒了。
本人近期便經常遇上後者的情況，有時甜絲絲地將「饅頭」的可愛玉照上載，卻換來各方好友冷嘲熱諷，所謂「崩口人忌崩口碗」，身為被「暗寸」的對象，但心情又不能形於色，免得被人笑「小器」/「唔玩得」，實在有苦自己知。為此，我想出以下幾招應對別人說「個女唔似你」的方法，供各位爸打傍身：
反守為攻—「唔係呀，佢個鼻同我似到十足，你睇唔到啫！」說話時必須信心十足，否則很易再被對方攻破。
綿裏藏針—「咁咪好囉！」請注意，「囉」字的發音要刻意提高和拉長，以達到「藏針」的效果。
分散注意—「但係好明顯佢錫我多啲！」這一點只有你和寶寶才知道，所以對方必定無法反擊。
緩兵之計—「暫時啫，細路女個樣日日都唔同o架啦！大家放長雙眼慢慢睇囉！」這招亦稱為「自欺欺人」。
順水推舟—「梗係似老婆好啦！」此招特別適用於太太在身旁的時候。
博取同情—「唉，個個都係咁講，估唔到你都係咁。」本人試過，此言一出，對方馬上轉軚：「睇落又有啲似你喎！」
威逼恐嚇—（故意對着「饅頭」說）「哎呀，佢話你唔似爸爸喎，我哋唔同佢玩咯！」
放心，你始終是孩子的父親，只要他一日在你手中，你仍然有主導權。
網址：www.facebook.com/newpapaclub