N-06E植入導管夏日涼浸浸

呢期手機過熱嘅新聞時有發生，事實上唔少Smartphone玩兩玩就變熱，身為用家都咪話唔驚。日本DoCoMo亦發覺到這問題，於新作N-06E植入「冷卻機能」，利用散熱導管將處理器嘅熱力傳開，令玩Apps睇片時機身涼浸浸。

散熱設計

N-06E外形同一般日系Android手機冇乜大分別，圓角加上8.5mm薄身設計，相當靚仔。特別之處是機內嘅處理器旁，加咗條延伸至頂部嘅散熱導管，幫處理器快速降溫。小記即場試玩遊戲《Monsters U: Catch Archie》，十幾分鐘後發現機身和機面位置都唔會變到熱辣辣，散熱效果好明顯。硬件規格則屬旗艦級，採用1.7GHz四核心處理器、2GB RAM等，換頁和操作相當流暢。值得一提，新機喺底面、頂部3.5mm耳機插口等均加入彩色LED燈，來電或收到訊息時都會閃動，靚仔又特別。