紐約直擊！LG G2背掣影相食指大動

唔少用家埋怨，依家出嘅Smartphone愈來愈悶，冇晒換機意欲，韓國大廠LG日前喺紐約發布嘅G2可能會令各位改觀。

驟眼睇佢嘅5.2吋大芒加上幼邊設計已勁靚仔，機背仲另有乾坤，將開關掣、音量鍵統統轉晒去背面，簡單用食指便可以掣着芒，而長按「Volume -」更可啟動相機功能兼做埋快門掣，影相超就手。各位有興趣換機都唔使等好耐，廠方預計兩個月內正式開賣！

超幼邊框出色屏幕

近年大芒幾乎係新機嘅必備元素，G2採用5.2吋大芒可以話係意料中事。奇就奇在，小記拎出其他5吋機如GALAXY S4、Xperia Z同佢拍埋一比，感覺G2嘅Size仲纖巧啲；原來竅妙在於廠商縮小了屏幕邊框，左右邊位幼至2.65mm，讓用家可以喺更細機身植入大芒，手仔細嘅女生拎機都冇問題。屏幕夠大之餘，質素亦有番咁上下，解像度提升至1,080p，像素密度達423ppi，而且沿用自家IPS屏幕，顏色準確自然，用嚟睇相或睇片正到暈。

放大圖片	拍埋5吋芒嘅Xperia Z（左），G2（右）屏幕更大，但體積竟然差唔多。

機背按鍵敲面着芒

新機最大賣點係將音量鍵和開關掣移至機背，廠商話這設計參考咗用家嘅使用習慣，因為好多人拎機時會以食指托住機背，而新設計正好方便大家以食指去操控常用功能。小記現場試玩時，發覺背掣出奇地就手，話咁易就撳到開關掣着芒；橫向拎機睇片時亦可輕易調校音量。而按鍵仲有其他功能，好似熄芒下長按「Volume -」可啟動相機介面，仲可充當快門鍵使用；而着芒下長按「Volume +」可開啟Quick Memo記事。另有KnockON功能，敲屏幕兩下便可着芒或熄芒，相當貼心。

發布會喺Lincoln Center舉行，現場設有體驗區，勁多人爭住試機。

即場擺咗幾隻係咁震嘅假手拎住手機影相，G2嘅影像明顯穩定好多。

主機雖然得黑、白兩色，但QuickWindow Case保護蓋有好多色揀。

光學防震高質靚聲

新機雖然主力Sell設計，但發布會用咗唔少時間介紹拍攝功能。單睇1,300萬像素鏡頭好似驚喜欠奉，不過鏡頭特別植入光學影像穩定器（O.I.S.），喺搖晃環境或手震情況下拍攝，依然可保持影像穩定，質素有保證。除咗滿足影友之外，新機話唔定會吸引埋一班音樂發燒友，皆因它支援24-bit 192kHz嘅FLAC、WAV Lossless音樂檔，唔少高階Music Player都做唔到。唯一要彈係佢唔支援外置記憶卡，就算內置32GB容量都擺唔到好多歌，期望遲啲有大容量版本啦！

虛擬功能鍵可以按喜好更換不同組合。

音量鍵、開關掣變咗喺機背，相當就手。

特別功能實試!<BR>Slide Aside<BR>3隻手指向左掃便可將用緊嘅Apps擺埋一邊，向右掃則可切換運行中嘅程式。

特別功能實試!
Slide Aside
3隻手指向左掃便可將用緊嘅Apps擺埋一邊，向右掃則可切換運行中嘅程式。

規格表

制式：GSM、WCDMA、LTE

Plug & Pop 只要用耳機或USB線連接機身，手機就會自動彈出啱用嘅Apps工具列。	Tracking Zoom 可以喺拍片期間局部放大指定位置，拍攝人物特寫時效果過癮。	玩家點睇韓國MBC電視News Producer Simon Gim表示：「機背按鍵設計好創新，而且屏幕質素好高，係GALAXY S4等旗艦機嘅勁敵！」
試相區日光下拍攝紐約Times Square街頭，用食指啟動相機嘅速度好快，成像清晰銳利。