Wakesurf無繩速滑

最近天氣時晴時雨，難得好天，自然想剝晒衫褲到戶外衝浪，不過身為潮人，冇理由仲玩Wakeboard咁老套o架？一於齊齊投入熱爆嘅Wakesurf無繩滑浪！只需踩住特製滑水板，再食住船尾擊起嘅浪，即可乘浪水上飄，感覺較Wakeboard自在，又冇Surfing衝浪咁危險。教練示範當天，連岸上和旁邊船P嘅靚女都大聲歡呼，可想而知幾有型！

Wakesurf不可使用Outboard船，因螺旋槳設於船尾，容易令Surfer落水時受傷。

滑水衝浪混合

一睇Wakesurf呢個字，就知這活動跟Wakeboard同Surfing有關。它源於衝浪愛好者，每次Surfing跌落海中，都要以快艇拉回近岸，漸漸有人貪方便跟着船尾擊起的浪，乘勢滑回岸邊，久而久之成為Wakesurf雛形；經過多番改良，時至今日它已變成一項獨立的水上運動。隨着香港玩厭咗Wakeboard嘅人愈來愈多，反使它變成高手的新興玩意。

乘着浪花而行

示範當日，周圍的人都投以奇異目光，為何毋須用繩拉着，Surfer（衝浪者）都可以跟着船尾在水上滑行呢？香港滑水總會認可註冊教練Don Kong解釋︰「跟Wakeboard利用長繩連住快艇把手滑行不同，Wakesurf是利用快艇轉向，以及船身重量傾側來製造浪花，Surfer食正推動點，便能踩住浪滑行，只要快艇不斷行駛，波浪便不會消失，Surfer可藉此做出不同花式！」

落水前要穿着救生衣，紮起頭髮並除下飾物。

波浪靠傾側船身來製造，因此要以乘客重量來控制Loading。

Wakesurf滑水板較短身，而且浮力較高，容易玩花式。

身體控制快慢

聽落容易，但冇繩拖住玩家其實更易跌落水。睇住阿Don玩咗十幾分鐘兼做出多種花式，當然要問佢竅門所在。「Wakesurf起水方法同Wakeboard差不多，切忌用死力刻意拉高身體，只要順住水面浮力慢慢升起即可。當找到推動點後，就可放開Handle，再利用腳趾及大髀控制左右活動，身體重心向前傾就加速，向後則減速，由於它講究平衡力，所以有Wakeboard底子會好啲！」Don補充，Wakesurf動力來自船尾波浪，因此對揸船者要求更高，太快太慢都不適宜，玩時最好請有經驗人士操作。

板面沒有Binding腳踏，但有防滑膠面及膠粒，防止雙腳打滑。

達人Don Kong示範<br>起水<br>起水時較似Wakeboard，但由於滑水板不設Binding，要屈起雙腳踩實板身，再利用繩扯起身體。

達人Don Kong示範
起水
起水時較似Wakeboard，但由於滑水板不設Binding，要屈起雙腳踩實板身，再利用繩扯起身體。

放繩<br>身體平衡時便可站立，穩定後會發覺繩索變鬆，這時可放開專用Handle，利用身體控制左右活動和加減速。

放繩
身體平衡時便可站立，穩定後會發覺繩索變鬆，這時可放開專用Handle，利用身體控制左右活動和加減速。

上身自由更互動

玩Wakesurf上半身可自由活動，感覺比Wakeboard更Free，現場所見，阿Don竟然可以邊滑水邊空出雙手飲水！「Wakesurf玩家離船尾只有10呎內距離，滑水時可與船上朋友有更多互動，而且玩到攰仲可靠近船尾抖一抖。」阿Don指出，在香港玩衝浪很多時要等打風刮大浪，危險性極高，而且經常要游出去大浪處，未玩已經消耗晒啲體力；相比起來Wakesurf較安全，預計隨着玩嘅人增加，這項運動會普及開去。