TED's Lookout 暗藏驚喜

今天，連位高權重高官也肆無忌憚大講謊話，真相，究竟值幾錢？ 外出食飯尋味，有時難免要按圖索驥，揭開報紙雜誌，飲食介紹多的是，總覺得「隱惡揚善」得過了火，信足十成，隨時雙目失明。今期開始，請來兩位具獨立思考與見地的飲食判官，走訪城中話題餐廳，好會讚，壞會彈，以正視聽。首度出征，兩位選了月街型格秘店TED's Lookout，是褒是貶，真係要試過先知！
大廚Fernando，是入廚20年的老手；前面的Taco Platter（$158）軟腍辛香，好滋味。
大廚Fernando，是入廚20年的老手；前面的Taco Platter（$158）軟腍辛香，好滋味。

內裝高明夠巧妙

餐廳位置比較隱蔽，勝在灣仔日月星街小社區傍住，尋幽探秘過程還算浪漫。銹鐵牆上的霓虹燈招牌夠大個，除非眼過大，否則一定搵到。內裝以水泥地板配昏黃吊燈，近期大熱的Industrial Chic Style乍看熟口熟面，莫非又是另一跟風沒靈魂之作？只要從吧枱往外看，就明白小店奧妙之處。

從大鐵窗往外街賞景，先得望穿Open Kitchen內來來往往的侍應和大廚，動靜交融一眼睇晒，又暗自呼應店名「Lookout」一字，高章！再細看身旁小擺設，古早望遠鏡、打得通的撥號電話，並不是成街都係的淘寶貨色，是睇得見的心機。

Vegetarian Pasta （午市餐牌）$128<br>彈牙意粉與香草Pesto醬炒得均勻，鑊氣十足，撒滿Parmesan Cheese增口感，不過也不及鮮甜蘆筍和茄粒搶鏡。
  • Vegetarian Pasta （午市餐牌）$128
    彈牙意粉與香草Pesto醬炒得均勻，鑊氣十足，撒滿Parmesan Cheese增口感，不過也不及鮮甜蘆筍和茄粒搶鏡。
Cheeseburger（午市餐牌）$128<br>在New York Style Eatery擦漢堡才是正經事，包身搽了牛油更香口，夠分量的漢堡扒Juicy而軟腍，大廚說是用了黑安格斯牛肉手打而成，額外加$15要了隻煎蛋，好Filling！
  • Cheeseburger（午市餐牌）$128
    在New York Style Eatery擦漢堡才是正經事，包身搽了牛油更香口，夠分量的漢堡扒Juicy而軟腍，大廚說是用了黑安格斯牛肉手打而成，額外加$15要了隻煎蛋，好Filling！

易廚食味依舊

開店初期曾到訪，聽講最近換了大廚，即試食物水準。主餐牌沒改變，走「泛美」路線，即從美利堅食到拉丁美，以Bite Size登場；再嘗招牌墨西哥Taco Platter，味道沒走樣，感覺良好。還發現Lunch Menu多了新菜式。食物上枱還熱辣辣，味道也恰如其分，分量足算抵吃，大廚Fernando近在咫尺，隨時可以打牙骹，方知入廚20年，曾於老蘭Socialito任職，難怪醬汁做得幾地道。必試漢堡隨碟的Truffle Aioli醬汁，菌香馥郁，打得稠身，跟沾上Cajun Spices的幼薯條，好Match！

地址：灣仔月街17A號月豐閣地下

查詢電話：2520 0076

撰文：盧振宇　

攝影：盧展程