120色K-50 攝戰紅魔

ISO 51,200感光度

依家影友買機非常奄尖，功能要勁之餘，外觀又要靚仔，一向愛玩色的Pentax就捉到用家心理，在K-50的20色機身加入6種顏色手柄，總共可玩出120種配搭。新機還支援防塵和防水滴設計，萬一影球星時落雨都冇有怕。

不過班球星跑起上嚟個個快到冇影，即使配備了大光圈長炮，都要靠高感光度推高快門速度，而且場波喺夜晚踢，快門慢少少都有機會令相片鬆郁朦。幸好新機採用1,628萬像素CMOS和PRIME M影像處理器，最高感光度達ISO 51,200，加上支援SR防震功能及每秒6張連拍，就算傑斯扭動蛇腰都捕捉得一清二楚。

轉盤備有AUTO和M曝光模式，而初哥大可使用SCN場景模式。

上方「RAW/Fx」鍵能切換拍攝格式，而下方對焦模式撥桿支援AF-S連續對焦。

19種場景模式

對運動攝影全無經驗？去到大球場唔使「騰雞」，新機提供19種場景模式，只需將轉盤扭去AUTO自動場景模式，又或者揀選SCN場景模式就搞掂。如果想玩Feel，仲可以內置19種濾鏡，疊出獨一無二的特效。影相之餘想拍埋片的話，新機亦支援1,080p全高清格式，甚至可結合當中7種濾鏡，拍出不一樣的影片。值得一提，新機除了支援專用鋰電池外，亦可使用4枚AA電池驅動，萬一影到冇晒電，都可以到便利店買電池頂檔。

機身有81處地方加入防塵防水滴設計，連插卡槽都有軟膠保護。	除了支援專用鋰電池，亦兼容AA電池驅動。	感光度可達ISO 51,200，確保於昏暗環境都有足夠快門速度。

規格表

感光元件：1,628萬像素CMOS

前期設有7種濾鏡，而後期更有19種之多，想玩特效話咁易。	擁有足夠快門速度（示範為1/500s），有效確保主體和足球一樣清晰。	若然快門過慢（示範為1/50s），移動中的主體會矇查查。
「Pan鏡」應跟隨主體由左至右或右至左移動，減少上下震動。

轉換系數：1.5倍

屏幕：3吋92.1萬像素

感光度：ISO 100~51,200

體積：129×96.5×70mm

重量：590g

運動攝影3大貼士：貼士1：裝備篇

畢竟觀眾席跟球場有一定距離，想拍攝場內球星的話，建議帶備遠攝鏡頭或Extender增距鏡。萬一坐山頂位的話，亦可利用廣角鏡或魚眼鏡捕捉球場氣氛。要令影像更穩定清晰，不妨帶備單腳架取景。

貼士2：設定篇

足球拍攝應使用快門先決或手動模式，建議有1/500s以上快門速度。由於曼聯表演賽於晚上進行，故應全開光圈加上高ISO，有需要時甚至可使用連續追焦和連環快拍，令對焦命中率提升。

貼士3：進階篇

若各位有一定足球拍攝經驗，不妨使用俗稱「Pan鏡」的進階技巧。首先預測主體的移動方向，再半按快門對焦，並根據其移動方向平移機身，即可令背景營造出線性的動感效果。

達人教路：手心預設白平衡

香港運動攝影協會會長聶永輝（Aries Nip）表示：「影球賽時，唔好過分倚賴相機的Auto White Balance，因為相機很多時會以球員波衫色調、草地顏色量度白平衡，容易出現偏色情況。所以開波前應使用灰卡預設白平衡；假如冇灰卡喺身，最簡單是以自己的手心設定白平衡，因為人的手心比較接近18度灰基準，影出來就唔會張張唔同色。」

撰文：黎子豪　

攝影：陳世昌

模特兒：Erine（Gaiety）

查詢電話：2926 2300