曾經有朋友問：「想食下午茶自助餐，你有乜好介紹？」我笑笑地答：「你試試XXX啦，真係又貴又好食。」具幽默感的朋友忍不住報以微笑──大家心照不宣，貪心怕蝕底的香港人經常奢望平靚正，像窮家女渴求人品、樣貌、財富兼備，但求偶門檻甚低的白馬王子。
我不否定市場上有色香味俱全，而且價錢經濟實惠的美食，但更多是食材質素與價錢高低成正比，當然下價貨扮正斗菜的例子猶如野花般遍布全城。時尚名人郭志怡創立首間C'est La B，我是抱有懷疑，究竟是又貴又好食還是又貴又難食，事實證明是屬於前者，各式產品用料認真，價錢亦非一般貨色可比。記得某次出席友人生日派對，生日蛋糕是從C'est La B訂購，體積不大卻花了千多元，起錶價之高遠遠拋離常見的生日蛋糕，但相較起來五星酒店出品竟然變得有點Cheap。
C'est La B成功佔領港島後，近日終於進駐九龍，在海港城開設第3分店，250克的「Lollipop」七彩蛋糕售HK$450，含有生薑香茅雞肉凍檬的「Saigon Box」越式便當售HK$135，像試圖挑戰區內顧客的消費力。我試了一款喚作「Rainbow Club Sandwich」的三文治，以竹炭、菠菜、紅菜頭、番紅花共4種顏色的麵包，夾着火腿、芝士、奄列、燒雞、牛油果、菜沙律等餡料，賣相繽紛討好，味道新鮮具層次，定價HK$125，真貴！但花足心思，不是純粹販賣名人效應，所以心甘命抵地輸給它。
網址：www.chan-wai.com