Chloe Frankie Peers模言辛酸

英國名模Chloe Frankie Peers只有22歲，卻已有5年的模特兒經驗。自17歲那年她完成高中後到倫敦讀大學，被牛津街上的知名模特兒公司星探發掘，便開展了別人眼中的多姿多彩生活。期間，她選擇完成學業後才繼續做模特兒，她解釋一切全是為將來鋪路：「自小我就鍾意跳舞同演戲，愛上成為全場的焦點！讀書嗰陣，我要去麵包店兼職，又要兼顧學業，當然我冇放棄喜愛嘅戲劇！」讓自己的生活擠不出一點時間，就是Chloe當年的生活態度。

曇花一現的驚喜

輾轉下，Chloe參加了名節目《Britain's Next Top Model》，經4輪面試後，被艾麗麥花遜（Elle Macpherson）選中，令她又驚又喜，不過很快她被揭原來已簽約一間top model公司，故快樂只維持了很短的時間：「雖然時間短，但都覺得開心，同時我明白這個騷目的不是找『Top Model』，而係睇一班女仔點樣表現自己嘅演技。」突如其來的驚喜過後，她又過回正常的生活，更覺得自己好幸運可以抽身：「我的努力已足以建立自己成為模特兒，不需要用一個節目去證明。」雖然這個經歷來去如風，但她亦明白模特兒工作背後的真實情況，當中她最開心是與艾麗麥花遜工作，她說：「艾麗係我嘅偶像！見到佢真人令我透唔到氣，我欣賞佢好勤力工作，令她有今天嘅成就。」

模特兒表面風光又有魅力，但一個成功的模特兒所下的苦功，外人未必明白，Chloe說：「每天有數唔清嘅casting，攞住地圖喺城市內搵地址，遇上有語言障礙就更難搵到目的地。」Chloe以拍硬照舉例，表示做模特兒絕對要有耐性：「整頭用1個鐘，之後服裝可能要修改、剪裁、打回原形，重重複複，模特兒呢個行業需要嘅就係要有耐性去等。」她笑言等候的時間可以看書、聽歌，但最重要是不可進食：「不過我偏偏就鍾意飲住可樂到場，令其他模特兒好驚訝。」

獲眷顧自覺「幸運」

Chloe用「幸運」形容自己，因她出道不久，便被看中與殿堂級品牌Burberry合作，與她喜愛的攝影師泰斯蒂諾（Mario Testino）及模特兒Rosie Huntington-Whiteley工作，令她感到非常興奮：「我事前唔知ｏ架，見到咁龐大嘅工作團隊同Rosie真係好開心，Rosie帶出『Classy and sexy』，就似90年代超模一樣。」

做模特兒經常到不同的國家，如巴黎、洛杉磯、巴塞隆拿等，對於Chloe來說不單只是工作，同時能體驗風土人情、增廣見聞：「去每一個國家都係新挑戰，會遇上言語不通同搵唔到出路，但我鍾意識新朋友，所以覺得好有趣。」她更相信愈去得多旅行，愈能發現自己的特質，了解自己。最初英國模特兒公司叫Chloe到香港工作，不久她已愛上香港，尤其是她只用20分鐘便抵達沙灘，實在叫她興奮：「香港發展能夠咁蓬勃，實在太不可思議喇！」

內外兼備靚得起

Chloe認為健康正正是模特兒所需要的，太瘦的樣子會令人感到好痛苦，一句「內在等於外在」充分體現到Chloe是美人胚子：「無論你食甚麼都會在皮膚上反映，所以要認真對待自己，不要食太多煎炸食物，而我平時會去大浪灣衝浪、行山，呼吸新鮮空氣。」

很多人以為模特兒在台上美美的，不用工作的日子也會花枝招展，Chloe笑言愛自己的曲髮、短褲、簡單上衣及自然的girly打扮，晚上就愛中性以黑色的服裝打扮。

Profile

姓名：Chloe Frankie Peers

年齡：22歲

三圍：32B、24、34

入行經歷：在倫敦街頭被星探發掘後開始模特兒工作，曾參加「Britain's Next Top Model」，與多個品牌合作，經模特兒公司推薦到香港發展。

採訪：李詠林

攝影：沈健程

場地：WaterMark