Volvo V60 T5 Styling Kit型合踩車潮

近年掀起一股踩單車熱潮，街上見多咗人喺車尾加裝個單車架，不過大多數都唔係咁靚仔，仲要冇煞車燈、指揮燈等，咁樣開車都咪話唔危險！最近，Volvo推出了加裝Styling Kit的V60 T5，唔只賣相夠型格，車尾仲可加上原廠單車架，駁條線就有齊應有的訊號燈，仲要一架可放兩部單車，鍾意「踩車」的朋友一定啱使。
售價：$379,000起<br>（Styling Kit另加$32,375、單車架另加＄31,575）
售價：$379,000起
（Styling Kit另加$32,375、單車架另加＄31,575）

單車架燈組 提升安全

本港市區人多車又多，並唔係理想的踩單車地方，搭公共車輛去郊外又難以運送私伙單車，假如有鬆動錢索性玩豪啲，買埋部私家車咁就一勞永逸。這次搭載於V60 T5上的單車架有番咁上下質素，不僅裝拆簡單，摺起後亦易於收藏，只要將訊號線連接在車底插頭，預設於單車架兩側的燈組便能啟用，煞車燈、指揮燈及後波燈一應俱全，大大提升行車安全。不過，跟車的後波鏡頭置於尾牌上方，部分視線會被單車所擋，倒後泊車時要加倍小心，可行的話不妨選擇「用頭入」，尤其是狹窄、背靠牆身的車位，一方面可避免撞毀車架，取下及裝上單車也較方便。單車架以鋁材料打造，只有13kg重，同時放兩部單車，最高負重為46kg，一分錢一分貨，單車架索價$31,575，捨得嗎？

少了跑味 多分貴氣

V60車身線條帶有Coupe的影子，卻有Wagon的實用機能，可說是擺脫Volvo老成形象的代表作。今次測試的V60 T5，外觀有別於標準版及R-Design版，換上一套價值$32,375的Styling Kit，頭、尾泵把及裙腳都換上全新套件，不太強調跑味，反而多了幾分貴格。V60是S60的衍生車款，由四門房車變成旅行車，B柱前的設計大致相同，後方則拉高了C及D柱，使行李箱容積擴展至692L，鍾情於S60的車款、又想車尾有更大的載物空間，V60應可滿足閣下口味。同時，V60有個很窩心設計，就是設有收捲式行李艙分隔網，拉起後可起安全網之效，煞車時可防止物品衝前，對乘客有更大保障。

2公升引擎配Turbo及直噴技術可爆出240hp馬力。
  • 2公升引擎配Turbo及直噴技術可爆出240hp馬力。
車廂布局以簡約為主，花巧裝飾不多。
  • 車廂布局以簡約為主，花巧裝飾不多。
車尾裝上單車架後，會影響後泊鏡視線。
  • 車尾裝上單車架後，會影響後泊鏡視線。

240hp馬力 彎路靈活

V60 T5定位為Sports Wagon，外觀已夠型格，還搭配性能強勁的2公升Turbo引擎，最大馬力240hp，可於1,800~5,000rpm時輸出320Nm的扭力，即使車重接近1.6噸，0~100km/h亦只需7.7秒。儘管裝上單車架及單車後，重量馬力比及風阻表現都有所下降，但加速力不受影響，依然咁澎湃。如果你在90年代曾擁有過Volvo，也許印象只有安全與舒適。操控？當房車咁揸，OK啦！今日的Volvo不可同日而語，揸住部V60去山路玩彎，靈活性不會比市場上一些熱門揭背車遜色。不過，估計廠方考慮到舒適性，個人認為波箱反應偏柔，如果調校上激進一點，相信會更好玩。

後排空間很闊落，腿部伸展度充足。
  • 後排空間很闊落，腿部伸展度充足。
單車架預裝了燈組，大大提升行車安全性。
  • 單車架預裝了燈組，大大提升行車安全性。
波箱運作偏柔，帶來舒適乘坐感。
  • 波箱運作偏柔，帶來舒適乘坐感。

安全至上 從不花巧

車廂布局貫徹北歐的簡約風格，沒有太多花巧裝飾，設備都以實用為先，想要幻彩錶板、碳纖修飾？Sorry，Volvo很少玩呢套的。安全始終是Volvo的核心價值，V60不僅有高剛性車架，連「City Safety」也列為標準配備，只要時速在30km/h內、系統又偵測到有碰撞前方阻礙物的危險，便會向駕駛者發出預警，甚至以最大力度自動煞車，有助減低因駕駛分心而釀成意外。

真皮座椅座墊厚度充足，駕駛席還設有電動調校及位置記憶功能。
  • 真皮座椅座墊厚度充足，駕駛席還設有電動調校及位置記憶功能。
  • 放大圖片

規格表

車型：五門五座位旅行車

容積：1,999c.c.

最大馬力：240hp/5,500rpm

最大扭力：320Nm/1,800~5,000rpm

傳動：六前速Powershift

驅動：前置引擎、前輪驅動

懸掛：（前）麥花臣、（後）多連桿

車身體積：4,628×1,865×1,484mm（長×闊×高）

撰文：鄭浩文

攝影：梁偉德

查詢電話：2927 3388（Volvo Cars HK）