四防TX30　拍Duck窩心

若各位都想於展覽期間（即日起至6月9日）影相留念的話，今次小記帶埋剛推出的Sony TX30四防DC，揀個靚位、擺定甫士、玩埋特效，教大家點樣拍出「Duck人歡心」嘅靚相。

四防功能強

稱得上四防DC，TX30擁有10米防水功能，即使遇着變幻莫測的天氣，都可無懼風雨影鴨仔；而且機身具有防塵功能，並能承受1.5米墮下的衝擊力，以及可於-10度環境如常拍照，四防功能強勁。外形方面，新機厚度只有15.4mm，稱得上最薄防水DC，仲有埋黑、藍、銀、桃紅、橙5色機身選擇，小記覺得桃紅色和橙色同鴨鴨至夾。

最易入水嘅電池匣備有防水軟膠，兼容細小的microSD卡。

用上5倍變焦蔡司鏡頭，仲有26mm廣角和微距LED燈。

玩一掃全景

為了簡化操控，機身加入3.3吋觸控屏幕，所有設定均可篤芒操控，配合1,820萬像素感光元件和26mm廣角5倍變焦蔡司鏡頭，夠晒Wide同鴨鴨影合照。用家還可透過一掃全景模式將維港和巨鴨一併納入鏡內，最過癮是模式內備有「一般全景」、「水底全景」，以及普普風、部分色彩、柔和過曝3種「特效全景」，想點玩都得。

TX30的濾鏡特效有9種任玩，影鴨仔時可以試晒佢哋。	放大圖片	植入3.3吋觸控屏幕，所有設定都可以篤芒做晒。

美顏執靚樣

各位同鴨鴨影合照時，發覺影出來自己個樣唔夠靚點算好？TX30有辦法幫到你！皆因新機植入女士至愛的美顏功能，相機會偵測主體臉孔位置，讓用家後期修飾肌膚色調、平滑效果、去除油光、放大雙眼和美白牙齒，執完個樣仲可作前後對比，就算女士唔化妝都可影到完美無瑕靚相。

一掃全景 鴨仔抵港的最大特色是配合了維港背景，使用一掃全景可將維港兩岸景色一併納入。	部分色彩（黃） 僅保留黃色色調，而其他顏色會變成黑白，有效將巨鴨鮮明的色彩凸顯出來。	第一式 呵番鴨仔 鴨仔遠道而來，當然呵番佢，而這個摸頭甫士建議將手部貼住巨鴨輪廓，咁就唔會遮住鴨仔塊面。
第二式 幫鴨打氣 畢竟Rubber Duck係一隻吹氣鴨，對準佢屁股個位扮吹氣，再加埋手部托鴨動作會更逼真。	第三式 密密Kiss 與鴨仔接吻的難度唔算高，建議站在與鴨仔Eye Level位置，閉上雙眼表現出Sweet Sweet表情。	海港城對出長廊及樓梯 人頭湧湧的海港城對出長廊和樓梯附近，可以郵輪作背景拍攝，而且最容易影到鴨鴨正面。
海運大廈停車場天台 景觀開揚的海運大廈停車場天台，能飽覽天星碼頭和港島對岸，擁有高角度無敵靚景。

有趣影鴨特效

如果就咁影隻巨鴨，未免太過單調，所以今次特別使用TX30各種特效，拍出與別不同的鴨鴨相。

鴨鴨互動三式

就咁同隻鴨仔影合照似乎未夠過癮，大家不妨善用各拍攝位置，做出一些跟巨鴨互動的甫士，更加有趣。

拍攝勝地推介

由於鴨鴨游水的位置和面向位未必日日一樣，小記綜合出有兩大拍攝勝地，低抄、高拍樣樣都Duck！

規格表

感光元件：1,820萬像素Exmor R CMOS

焦距：26~130mm

屏幕：3.3吋輕觸式

感光度：ISO 80~12,800

體積：96.4×59.3×15.4mm

重量：125g

撰文：黎子豪　

攝影：胡振文、黎子豪

模特兒：Charlie　

查詢電話：2345 2966