操控升呢！UHD TV拇指畀Like

新機無論外形或功能都好出位，以畫架設計的支撐架更獨一無二，難怪日前發布時，廠方特別以名畫作試播畫面。最吸引係連智能互動功能都升呢，除了語音操控有更多選擇外，動作操控更支援到雙手操作，玩facebook時只要「直豎拇指」即可畀Like，真係抵讚！

支援4K廣播制式

雖然依家嘅4K內容唔多，但多間廠商都開始推出4K解像度嘅UHD TV，如Samsung今次發布UHD TV S9時都話，用家愈早買就愈早享受到「未來」科技，機身仲預留了升級空間，即使將來4K廣播制式轉變都可支援得到。講番剛推出的S9，未睇畫質已被佢嘅外形吸引，今次採用名為Timeless Gallery設計，將喇叭收納於邊框之中，配合畫架造型的支撐架，既有懸浮感覺又似足藝術品。而畫面質素極為細緻，皆因用上Precision Black Pro技術，顯示出更實的黑色及更純的白色，亦透過極致光暗調校技術提升對比層次。

Smart Hub功能大升級，進入「clickplay」可點播荷里活電影。

從側面睇，85吋嘅S9外形更見突出。

語音動作操控升級

作為旗艦級電視，當然唔止做好顯示效果咁簡單，2013年Samsung新款電視系列已全面升級語音操控功能，好似對住電視用廣東話講「音量15」，即可將音量調至15，直接講出頻道號碼便能迅速轉台，事前講句「Hi TV」進入語音模式就搞掂。至於動作操控的升呢幅度更大，上年只能用單手左右掃揀選項，到新機已支援雙手操作，可握實雙拳放大及旋轉畫面相片，仲可舉起手指公直接喺facebook畀Like！

3D眼鏡都有新設計，如採用電池的SSG-5100GB（售價：$298/左），以及充電式設計的SSG-3570CR（售價：$498/右）。	由於S9機身太薄，難以加入太多接連介面，所以介面會以外置形式設計。	智能互動：語音操控 只要對電話講「Hi TV」即可進入語音操控選單。

2.2聲道喇叭低音勁

電視有得玩facebook？新機升級咗Smart Hub功能，當中喺社交「Social」選項中就有facebook、twitter等社交網站可玩；另設有「Photo, Video & Music」及「Apps」兩大主項，進入「Apps」便可下載大量應用程式，今次更獨家推出「clickplay」，可於電視內點播荷里活全高清電影或益智兒童節目。睇戲時，當然要有優質音響系統先配合到，新機內置2.2聲道喇叭，當中包括左、中、右3路及雙重重低音揚聲器，總輸出達120W，喺過千呎大廳睇戲都夠聲。

收音咪設於機頂位置，能夠以聲控操作電視。	動作操控 在「Social」選項內，可上到facebook及YouTube等網站。	喺facebook頁面「直豎拇指」即能畀Like！
F8000底座以新月弧形設計，別樹一幟。 售價：$36,980（55吋）、待定（65吋、75吋）	新機附有具收音咪及Touchpad的Smart Touch智能遙控器。	試片區 畫面細緻像真，在4K顯示效果下，連香橙的紋理都睇得清清楚楚。
售價：待定

SMART TV F8000新登場

無疑UHD TV畫質好靚，但幾時有多啲4K內容真係冇人知，大可考慮同場發布嘅新款SMART TV。當中F8000採用四核心處理器，玩到全新Smart Hub功能和互動操控，內置鏡頭更支援臉容辨識，仲可配合Smart Touch智能遙控器，可以對住個遙控器講嘢兼捽Touchpad落指令。新機對應1,000格流暢倍增技術，分別有55吋、65吋及75吋供選擇。

SEK-1000升級套件

其實Samsung上年已經話會有「Smart Evolution」升級套件，今次SEK-1000正式出爐，只要將佢插入上年推出嘅SMART TV ES9000、ES8000同ES7000系列機背，唔止可以用到新Smart Hub功能，玩到語音操控、動作操控等，仲會將雙核處理器升級至四核效能。

規格表

顯示尺寸：85吋

解像度：3,840×2,160

智能內容：四核處理器、新Smart Hub功能、Samsung Apps

音效輸出：120W

撰文：布偉倫

攝影：林資凱

查詢電話：3698 4698