人與人之間，總講求一點緣分。今次暢遊京都，先後與4組朋友同行，有些早已敲定，有些臨時決定，結果同樣好玩。
第1組是長輩M及兩位年輕細姪女，3星期前收到M來電說：「不如一齊去京都睇櫻花咯！」一句說話便約定出發，暢遊醍醐寺、蹴上等櫻花重鎮，遠征滋賀縣美秀美術館，還被這3位購物狂慫恿下出了幾次血。
第2組是一位靚女D，在港不時見面，今次純屬時間脗合，有一整天同在京都，便爭分奪秒地在12小時內跑勻平安神宮、下鴨神社、相生社、河原町、祇園、清水寺、八坂神社……基本上是一場馬拉松，事後雙腿發軟了，但節奏明快步伐緊湊兼點帶刺激。
第3組是朋友T，早前在「Nat Geo Awards 攝影及紀錄片大賽2013」工作坊認識，我是演講嘉賓，他是席上觀眾，事後稍作交流再成為facebook朋友。碰巧他與美女C來到京都，相請不如偶遇，以3人行姿態穿梭於新京極通、寺町通，在錦市場邊走邊吃，還到祇園白川化身「龍友」拍攝櫻花美景。
第4組是朋友K，雖與他有共同朋友，卻只曾碰面2分鐘，還算得上是朋友嗎？今趟他在facebook得悉我在京都，便相約去喝咖啡，然後才發現大家談得頗投契，順道一起閒逛個性小店。一次理想的旅程，大概是這樣吧 —— 有舊雨，有新知，有人約定，有人即興，有時預期，間中驚喜，合則來，不合則去。像人生。
網址：www.chan-wai.com