紐約速報！八核GALAXY S4孖鏡合拍

美國時間3月14日，紐約著名劇場Radio City外擠滿了人群，佢哋唔係排隊搶奶粉，而係為了一睹Samsung第4代機王誕生！一如傳聞，GALAXY S4外形驚喜不大，但改變卻在骨子裏，例如首度採用八核處理器，並改良眼球偵測技術，憑雙眼便可播放及暫停影片；最爆要數Dual Camera拍攝功能，前後鏡頭可同時啟動，真正做到大合照效果。新機最快4月抵港，各位儲定錢差唔多啦！

Dual Camera讓前後兩班人同時入鏡，效果有趣！
售價︰待定

設計變低調手感更舒適

S4在發布前已有照片流出，人人鬧爆外形冇新意，但小記觀乎實物，與其說它跟上代相似，不如說它是縮細版Note II，機身金屬邊框由後者承襲而來，配合7.9mm厚度及130g重量，外觀比S III低調，但輕薄手感更佳。5吋屏幕是另一改良位，在Super AMOLED面板下，解像度由720p提升至全高清的1,080p級數，並把像素密度加至441ppi，雖然相片有點「味精」感覺，但放大後細緻位出晒嚟，令1,300萬像素鏡頭不致浪費。機身顏色則有黑霧及白霜2種選擇，官方指年底前會追加更多顏色，「好色」男女不妨等吓！

前後鏡齊拍趕走路人甲

拍攝是S4的重點功能之一，發布會便用了很多時間講解，當中最爆是Dual Camera功能。顧名思義，它可以前後鏡頭同時啟動，讓用戶與被攝者一同入鏡；小記試玩時，發覺前後對焦快之餘，還可把自己套入心形相框或魚眼鏡內，效果爆趣！此外，爆趣的還有Drama Shot及Sound & Shot功能，前者在4秒內連拍100張相，再以疊影方式重組成動感相片；後者則可拍攝有聲相片，加入9秒話音倍感傳神。不得不提的還有Eraser功能，手機會先連拍5張相，之後再把背景中郁動的東西褪走，趕走路人甲至啱使。

S4（右）外形跟上代S III（左）分別不大，但屏幕加大至5吋。

S4的鏡頭由凸變平，避免刮花，而補光燈及喇叭則往下移。

官方冇公布續航時間，但2,600mAh電池未必夠用。

首載八核心眼球控播片

一如傳聞，新機提供四核及八核兩個版本，前者為1.9GHz時脈並支援4G，後者則減至1.6GHz時脈並支援3G，但哪個版本會先推出暫時未定。惟現場只有四核版本供測試，未能一試八核威力，而其《AnTuTu》手機測評依然十分誇張，得分比S III高出三分之一，值得期待！操控方面，搭載最新Android 4.2.2系統並不出奇，驚喜反落在體感操作上，例如Air View可透過手指懸浮來預覽相簿；Smart Pause只要視線離開畫面，影片即會暫停；而用家面向屏幕上網時，更可利用Smart Scroll功能，手部前後微動使網頁上下捲動，以後上網連手指都唔使郁！

厚度減至7.9mm，可惜邊位未夠圓渾，否則手感更好。

日後可加裝Game Pad手掣，玩賽車Games分外爽快。

規格表

制　　式︰GSM四頻、WCDMA、LTE

支援多款配件如後備電池及S View Cover等。	新版Air View飛走S Pen觸控筆，懸浮手指便能揀相。	S4在紐約知名劇場Radio City發布，大會更請來交響樂團助興。
工作人員拿起S4示範新功能，拎上手又唔覺好大部。	發布會於當地晚上7點舉行，但未到5點場外已擠得水洩不通。	紐約時代廣場的S4廣告隨處可見，當晚更有現場直播，可見廠方對其重視程度。
玩家意見美國科技網Techtainian博客Phil Esposito：「頭先用過S4來打機，整體感覺流暢，可惜現場冇八核版本，試唔到效能。」	法國科技網Bysus.fr記者Guillaume：「S4外形冇驚喜，老實說有點失望，恐怕未必吸引到舊用戶升級購買。」