PS Vita主機近期落咗價，一於連埋新出嘅日文版《Soul Sacrifice》入手啦！這遊戲初公布時確實幾「芒亨」，但玩落除咗有得用各種魔法外，仲手握「救贖」同「犧牲」大權，隨時可犧牲同伴或者預備被犧牲，藉此打倒怪物Boss。
由稻船敬二主理加上4人組隊打怪，好易令人聯想起「芒亨」，但玩上手便會發現《Soul Sacrifice》的設定更黑暗。故事由一本魔法書引起，被當成活祭品的角色捲入魔法世界戰鬥，除咗要擸武器打怪外，仲可用「供物魔法」同「代償魔法」攻擊和療傷。最有趣係無論打到怪物瀕死，或者同伴被襲快將死亡時，玩家都可揀「救贖」或「犧牲」。
以應付怪物為例，「救贖」的話會提升魔法力，「犧牲」的話則提升生命力，怪物等級愈高，所回復嘅數值就愈多。不過最難決擇係要犧牲同伴，被犧牲嘅人雖然冇得再玩，但可大幅增加團隊生命力、防禦力、魔法力同攻擊力去挑戰Boss，「犧牲小我完成大我」正是遊戲宗旨。此外，新作遲吓還會推出本地化中文版，不過就唔可以同日文版一齊連線。
類型：動作
開發：SCE
平台：PS Vita
售價：$388
撰文：布偉倫
查詢電話：2341 2356