太太懷孕踏入38周，寶寶隨時駕到。這段日子（尤其在拜年的時候），幾乎每個人都問我：「快要做爸爸了，緊張嗎？」原來，這是一條很難回答的問題。
假如我答：「梗係緊張啦！」對方必定回應：「睇你啲文章都知你肉緊啦， 其實唔使咁緊張o架，放鬆啲啦……（下刪5,000字）」這類回應通常來自有經驗的爸打和媽打，他們會開始分享育兒心得、產房趣事等，而他們往往會在最後補充一句：「不過我當年都係好緊張，正常嘅！放心啦！」
又假如我答：「唔緊張呀！」這答案會惹來兩類回應，第一：「咩話！你唔緊張？點對得住你老婆呀！」這些話往往出自長輩口中，我通常會嚇得馬上改口：「我話唔緊張啫，其實好緊張嘅！」長輩釋懷，但上一段出現的父母便會突然加入戰團：「其實唔使咁緊張o架，放鬆啲啦……（下刪5,000字）」第二：「你點會唔緊張呀？睇吓你個樣！」即使當時我表現從容，他們也硬要我承認是緊張的 （然後上述那些父母又出現勸我不用緊張）。有次， 我邊行邊回答，對方竟然說：「你睇吓你，行來行去，仲唔係緊張？」我惟有被迫承認，然後又聽他們叫我如何不用緊張。其實，類似情況在我們的生命中時常出現，大家不妨將問題換成：「明天考試，你緊張嗎？」或「下星期結婚，緊張嗎？」隨後出現的情況，其實大同小異！
雖然問題難答，但我卻樂於回應和傾聽，說到底都是開心事，又可讓其他爸打和媽打分享自身的經驗。看着他們口中說當時如何辛苦難捱、多少天沒有睡，但表情卻是幸福的。或許，這就是為人父母的特徵。至於我緊張與否？其實我自己也不太清楚，亦不太重要吧。
網址：blog.sina.com.cn/bennylau25