過去一星期，聽過不少情人節送花故事，但遠遠不及以下一則生日玫瑰事件的痛快淋漓去到盡。
話說S氏伉儷恩愛多年，毋須拘泥於各種繁文縟節，但不拘泥不代表禮多人會怪，所以在某一年S太太生日的大日子，S先生居然為愛妻送上玫瑰——並非一打12支，亦非一束99支，而是每束9朵乘以99束，總共891支！S先生解釋：「我都知道，兩夫妻咁多年，唔一定要送玫瑰，但我鍾意搞驚喜！」
由於玫瑰數量太多，花店要分3次送上S太太的工作地點，半小時後，整間辦公室散滿玫瑰花香氣，好靚、好浪漫、好迷人，S太太滿心歡欣，卻同時有隱憂，她說：「好多女同事戥我開心，只係擔心老闆會嫌我呢個下屬太過高調……」豬怕肥，人怕出名，老婆怕老公錫，問題真是天天都多。
不過，真正的問題，是花團錦簇過後，要親手收拾花局。S氏夫婦二人合力又搬又抬，好不容易把所有玫瑰運到車上，然後又擔又托送回家中，再花上3小時插花與換水，才叫做大團圓結局。事後S太太跟S先生說：「雖然係好Sweet，但係做一次就夠囉。」
我笑言：「好像做Gym會員，一筆過畀晒終身會員費，就以後唔使再畀錢。」S先生大笑起來。真的，自此以後，靚太從沒要求丈夫送花，閒時瞄瞄手機上891支玫瑰的圖片，已笑得雙眼瞇起。玫瑰會凋謝，記憶卻永恒。
網址：www.chan-wai.com