新正頭忙完一輪，來到年初八真係想喺屋企Hea吓，開部電腦玩「臉書」遊戲係唔錯選擇，而且不少模擬類型遊戲可與facebook好友互動，耐玩性高！
facebook有好多模擬類型嘅遊戲，呢款《Astropolis》便屬其一，但有別於其他開心農場或模擬城市遊戲，今次係玩外星殖民。玩家要蒐集水晶、食物及能量3種資源去搞建設，科幻風格有一定新鮮感。遊戲優點係唔會強制邀請朋友去玩，為咗玩隻Game畀人Unfriend就唔抵啦。
玩開《Ville》系列的話，定不能錯過新作《CoasterVille》。遊戲開宗明義玩過山車樂園，由點樣設計過山車到周邊娛樂設施都要一腳踢搞掂，見到由一塊爛地建成一個樂園都幾過癮，好過假期走去主題公園同人逼！
這款來自新加坡的facebook遊戲，由石器時代開始發展，居民仲用緊由骨頭製作嘅工具，再進入青銅、鐵器、文藝復興、現代文明同太空時代，建築物外觀同風格會跟住轉變，有幾分似《Sid Meier's Civilization》遊戲嘅感覺。
撰文：布偉倫