癸巳年桃花到 肖馬最風騷

風水布局

林惠江師傅指出，今年主桃花人緣嘅貪狼星居正北方，在家中正北位擺設風水物品，可增強桃花人緣運。不妨在正北位擺放一株燦爛盛放嘅桃花，此外，可選擇正月初六、十二、十五嘅吉日，擺放合自己眼緣的鮮花在正北位，寓意桃花運在新的一年有個好開始，數目以雙數為佳，例如兩支、四支、八支，花種不限，謹記定期更換，勿擺至枯萎。

佩戴飾物旺桃花

林惠江師傅指出，欲催旺桃花運，不妨佩戴相合生肖飾物，有助提升整體運程。

正北位放支桃花，祝大家蜜運成功，心想事成。

屬雞嘅已婚朋友，小心會有第三者出現！

生肖 飾物

今年邊個桃花運最旺？話晒你知！	揀選心愛鮮花插放正北位，大利姻緣。	蜜運中嘅愛侶，佩戴合適飾物，好快可以拉埋天窗添！

蛇 馬形飾物

兔形飾物為肖狗肖豬者首選。	女仔紅鸞星動，兩頰會泛紅，眼睛更會水汪汪咁。	林惠江師傅

馬 狗形飾物

羊 馬形飾物

猴 龍形飾物

雞 龍形飾物

狗 兔形飾物

豬 兔形飾物

鼠 龍形飾物

牛 雞形飾物

虎 狗形飾物

兔 狗形飾物

龍 雞形飾物

桃花有樣睇

除流年風水之外，一個人嘅桃花運，亦可從面相中現端倪，主要有以下數點：

1.正所謂春風得意，有桃花運嘅人，面色紅潤有光澤，女性更明顯兩頰泛紅。

2.此外，人逢喜事精神爽，男女嘅嘴角都會微微向上，正係嘴角含春嘅意思。

3.眼睛會特別有神采，矇豬眼都會撐到大，女仔雙眼更會水汪汪咁十分動人。

4.男女拍拖時由於心情緊張，耳仔會時刻充血，所以閒時亦會特別紅潤亮澤。

5.除咗面色有光澤之外，皮膚都會特別幼嫩，男仔乜膏冇搽都會顯得嬌嫩。

6.眼尾係十二宮中嘅夫妻宮，啱啱開始拍拖，男女眼尾自會出現一條小皺紋。

7.女性睇鼻嚟決定夫宮，如果真命天子出現，囡囡成個鼻會泛出特別嘅光澤。

林惠江師傅Profile

多年來以玄學「子平八字」、「玄空風水」、「文王卜卦」等應各界人士邀請，在香港、中國內地、東南亞等地勘察風水，推算運程，幫助善信催運以結善緣。

撰文：布永德、余家洋

攝影：陳世昌

模特兒：Teresa、Veronica、Gabriel@Talent100

鳴謝：玄學家林惠江師傅