TORO貓嘉年華 玩到彈起
一年容易又聖誕，家長們想趁假期帶子女出街大玩特玩，但又嫌市區人多車多，數碼港也許是另類佳選！這裏近日大搞聖誕嘉年華，更與Playstation的人氣角色TORO貓合作，場內場外都有大量攤位遊戲，加埋大型充氣玩樂設施及各式特備節目，保證大人細路都玩到彈起！
室內！ TORO貓攤位
每年數碼港的聖誕嘉年華都有主題活動，去年是3D動畫，今年首度跟PlayStation中的TORO貓合作，於場內提供9個特色攤位遊戲，包括全港最大型、高10米的TORO貓「魔法圈圈樂」，玩家只要把冬甩圈擲中攤位的金色桿，即可贏走PS Vita手提遊戲機；大會每天送出兩部，手快有手慢冇！場內還特設TORO照相站，可加入多款卡通相框拍照，為佳節留下難忘回憶。
室外！ 大型彈跳樂園
室內有攤位遊戲，室外亦唔輸蝕，戶外廣場設有大型彈跳樂園，提供7個由美國進口的充氣遊戲，例如27呎高旋轉大滑梯、大型彈床及水上碰碰船等，好讓大家在嚴寒天氣出一身汗！如果嫌以上活動太刺激，想靜態一點，可到「小小動物農莊」餵飼山羊及小白兔，影相之餘，還可培養小朋友的愛心及責任感。
購物！ 戶外跳蚤攤檔
話明嘉年華，單憑以上活動當然未夠熱鬧，因此每日3:00pm~5:00pm，場內均安排精彩節目，例如雜技表演、薑餅人大巡遊及繽紛奏樂三人組等，大家記得抓緊機會跟他們合照！為了方便愛Shopping的人士，周末藝墟今明兩天在全天候廣場特別「加場營業」，超過30個戶外跳蚤攤檔會出售各類手工藝品、有機食品及家居用品，記得帶齊「彈藥」喇！
其他活動一覽
1 動物農莊
可餵飼城市中難得一見的山羊及小白兔，仲可以近距離合照。
2 小丑表演
每日3:00pm~5:00pm均有人體彩繪及小丑雜技等精彩活動。
3 猜猜身高
商場門口設有巨型TORO貓充氣公仔，留影以外，還可以上官網估吓佢嘅高度，最接近正確答案者可獲價值$500之精品。
4 周末藝墟
超過30個攤檔售賣各式手作飾物、有機蔬菜及家居用品，今明兩天更「加場營業」。
活動詳情
日期：由即日起至2013年1月1日
時間：11:00am~7:00pm
地點：數碼港商場2座4樓數碼廣場及全天候廣場
費用：免費入場
查詢電話：3166 3111
網址：funland.cyberport.hk
撰文︰陳志滔
部分攝影︰林資凱 模特兒︰Snow Lai