Photoreco W 舊相數碼化

早陣子執嘢，無意中搵番舊相簿，翻開之下見到相片漸漸變黃。若想永久保存這些珍貴回憶的話，最佳辦法當然係數碼化，利用Nakabayashi推出的Photoreco W小型掃描器便可自己一手搞掂。用家只要把SD卡插入卡槽內，再將相片放進送紙口，或者安裝附送的送相槽，即可將相片或菲林底片轉為JPEG檔案，以後重溫相片毋須再左搵右搵。而掃描器亦適合商務使用，能夠掃描A4文件，甚至可儲存為PDF格式；加上它體積小巧，4枚3A電池即可推動，方便帶着它四圍走。