Chario Syntar系列雙層振膜澎湃低音

提起歐洲喇叭，一般音響迷多會想起英國或法國品牌，其實意大利喇叭無論造工或音色絕不遜色，Chario更屬當中表表者，最新書架喇叭Syntar 513採用新開發的Polymeric Double Flex聚合複合低音振膜，由兩層聚合質料構成，能演繹出澎湃低音。

Syntar 513 售價：$4,320/對

配合同系列中置喇叭505及後置喇叭503，組成一套環繞聲系統，無論聽歌或睇戲都充滿歐陸風味。

低頻厚實靈敏

香港不少影音迷，家中客廳只得兩三百呎空間，放不下大型座地喇叭，的骰慳位的書架喇叭遂成不二之選。但一般書架喇叭受Size所限，不能裝置多組大口徑低音單元，令低頻變得薄弱，為此Chario於Syntar 513引進Polymeric Double Flex聚合複合低音振膜，採用兩層聚合質料製成振膜，比起傳統以纖維或紙質製作的單層振膜，低頻表現更有力，能高速地將低頻下潛至60Hz。雖然振膜變Double，但藉着新開發的驅動系統，能令反應保持靈敏，支援87dB靈敏度及4ohm阻抗。小記試聽時，演繹連續不斷的低音鼓聲都流暢自然；藉着27mm釹高音單元，人聲更顯通透，將高頻發揮得淋漓盡致，而且定位清晰準確，人聲、樂器聲的位置及距離都聽得清清楚楚。

音箱以高密度纖維板製造，最外層有胡桃木及櫻桃木兩款任揀。

從背部插口的名牌可見，喇叭於意大利經人手打造，質素有保證。

中後置配套足

以Syntar 513聽歌固然一流，但聽歌聽到悶悶哋，想煲碟睇戲玩環繞聲的話，同系列亦有中置Syntar 505及後置Syntar 503供選擇。前者備有27mm高音及一對130mm低音單元，試播Blu-ray影碟時，人聲對白自然，不會比背景音效蓋過。後者設計慳位，體積只有340×165×115mm，音箱背部更預留空間，供用家配置掛牆架，節省不少空間；它支援90Hz~20kHz頻率響應，雖然低音表現力不算強，但勝在反應靈敏，有效營造出滴水不漏的包圍感。