1:6 Ada Wong Sexy旗袍 俘弩粉絲

《Biohazard》（生化危機）可說是驚慄遊戲的開山鼻祖，第一集女主角Jill經常被選為最性感角色，恨死一眾女角。然而當身穿高衩旗袍嘅Ada Wong出現後，女神位置不得不拱手相讓。
隨盒跟弩一把，可玩到第6集造型。
隨盒跟弩一把，可玩到第6集造型。

宅男們當然希望將佢帶返屋企，等了多年，Hot Toys終於一圓各人心願，以近乎全身包膠嘅新方法，打造出玲瓏浮凸1:6 Figure，配合像真度極高嘅弩，實行以最靚姿態俘虜粉絲！

取材自第4集

萬眾期待嘅《Biohazard 6》上月登場，Hot Toys發表1:6 Ada Wong人偶，可謂時間夾得啱啱好。然而其造型並非取材自新作，而是以第4集遊戲為藍本，廠方表示：「之前我們已幫日本Capcom出過5款《Biohazard 4》人偶，但始終未造過Ada，加上此集她的旗袍Look最為經典，大家把玩時可重現遊戲中的場面，相信能滿足一眾粉絲。」

Body約29cm高，並提供20個關節。
  • Body約29cm高，並提供20個關節。
素體幾乎全包膠，背面睇更覺玲瓏浮凸，Hip位亦唔算大。
  • 素體幾乎全包膠，背面睇更覺玲瓏浮凸，Hip位亦唔算大。

面相未夠冷艷

電影中Ada Wong由李冰冰飾演，很多粉絲都為Figure並非電影版而暗自高興，但遊戲版的面相以2D為主，變成3D的難度其實非常高。這方面廠方請來頭雕師Im Jung Hyuk落刀，並由JC. Hong塗裝。以試辦所見，頭雕總算能表達角色的漫畫感，白滑肌膚及反光唇彩幾可亂真；然而，Figure表情少了遊戲中Ada Wong的一份冷艷感，若稍為陰陰嘴笑會更索。廠方亦表示初辦時較為性感，但基於Capcom要求純美，才把頭雕一改再改，實在情有可原。

膚色、紅唇都好到位，連黑超都有埋，戴上後感覺性感番啲。
  • 膚色、紅唇都好到位，連黑超都有埋，戴上後感覺性感番啲。
旗袍由韓籍裁縫Hai Lim主理，用多塊布料車成，直頭當真旗袍咁造。
  • 旗袍由韓籍裁縫Hai Lim主理，用多塊布料車成，直頭當真旗袍咁造。
連腳都包膠，屬Hot Toys首度嘗試，但Ball Joint太大，有點礙眼。
  • 連腳都包膠，屬Hot Toys首度嘗試，但Ball Joint太大，有點礙眼。

包膠展現線條

遊戲角色的頭雕似唔似樣，各花入各眼很難判斷，但Ada Wong嘅玲瓏浮凸身材就冇得唔跟。為此，Hot Toys重新打造素體，以Black Widow的下盤做底，再駁上包膠身、手及腳，在幾乎全身包膠的情況下，贅肉盡去，令緊身旗袍下的線條更誘人。唯一缺點是手腕及腳眼位的Ball Joint太大，稍為收細會冇咁突兀。配件方面，黑超、手機連機座、寄生體Sample箱、霰彈槍、機關槍、手槍及爪槍全部有齊，最正係跟番第6集先有嘅弩，等大家可玩多個造型。

寄生體Sample箱內有針筒及試管，相當精細。
  • 寄生體Sample箱內有針筒及試管，相當精細。
有齊機關槍、霰彈槍等重型武器。
  • 有齊機關槍、霰彈槍等重型武器。
其他配件包括爪槍及手機等，夠晒大堆頭。
  • 其他配件包括爪槍及手機等，夠晒大堆頭。
附送7隻可換手，開合手形都有齊。
  • 附送7隻可換手，開合手形都有齊。

售價︰$1,280

預訂價︰$1,230（2013年第2季推出）

＊圖中為試辦款式，與正式推出的版本或有若干分別。

撰文︰陳志滔　

攝影︰郭凱敏

查詢電話︰2388 4677