IdeaPad Yoga 13 四式扭扭樂

瑜伽博大精深，透過唔同動作同呼吸可改善身體機能，近年女士最Buy。原來唔止身體可以做出高難度動作，連電腦都得，說的是Lenovo最新IdeaPad Yoga 13。驟眼睇新機同一般手提電腦冇乜分別，卻可360度前後扭來扭去，即時由筆電模式變成平板電腦，仲可以隨意扭成直立或帳幕模式作演示，隨時勁過瑜伽高手！

Tent Mode（帳幕模式）<br>好似帳幕咁以「A」字企穩，篤格仔操控都唔錯！<br>售價：$10,998起（11月中旬發售）

Tent Mode（帳幕模式）
好似帳幕咁以「A」字企穩，篤格仔操控都唔錯！
售價：$10,998起（11月中旬發售）

360度前後扭動

新機講到明叫Yoga，當然似足玩瑜伽咁多姿態，內置特製轉軸令屏幕可前後360度扭動，攤開打字呢啲動作當然難唔倒佢；配合埋《Windows 8》力谷嘅篤芒功能，屏幕向後摺合即可變成平板電腦，搭車玩Apps更方便。除咗「筆電模式」、「平板模式」之外，新機仲可扭成「直立模式」和「帳幕模式」，前者將鍵盤向底，屏幕以45度斜放便可作演示用途；後者則像帳幕般以「A」字企穩，靈活性極高！

Windows 8篤芒

《Windows 8》上周正式面世，各廠紛紛出機力撐，IdeaPad Yoga 13都唔執輸植入新系統。由於介面改以類似Windows Phone的篤格仔形式操控，用落都幾易適應。而系統強調嘅篤芒體驗都喺新機搵得到，例如用手指在屏幕左右掃即可換Task、上至下掃便能Kill Task等，更可將畫面以7:3比例同時運行，又可以像手機喺Windows Store下載Apps，夠晒玩味。最重要係新機配備13.3吋IPS屏幕，篤芒反應靈敏，速度絕對唔會輸畀傳統Tablet。

Tablet Mode（平板模式）<br>摺合鍵盤即變成篤芒平板，配合《Windows 8》介面更易用。

Tablet Mode（平板模式）
摺合鍵盤即變成篤芒平板，配合《Windows 8》介面更易用。

Stand Mode（直立模式）<br>屏幕向外翻擺喺枱面，最啱用來做Presentation。

Stand Mode（直立模式）
屏幕向外翻擺喺枱面，最啱用來做Presentation。

Laptop Mode（筆電模式）
傳統手提電腦擺法，方便作文書處理。

高階硬件規格

新機操作之所以咁順暢，除了有賴《Windows 8》優化外，強勁嘅硬件規格應記一功。不但可搭載Core i7處理器及8GB記憶體，更內置256GB SSD硬蹀，實測開機只需10秒左右！雖然有咁強機能兼扭芒神技，但新機一啲都唔累贅，只厚16.9mm及重1.54kg，比起同級機種纖巧得多。而機身仲有齊USB 3.0、HDMI輸出、3合1讀卡器等配置，擴充性唔錯，工作、娛樂都能應付自如。

按鍵回彈力唔差，Touchpad面積夠大，用落方便。	屏幕下方加設《Windows 8》按鍵，一按即可彈回主頁。	纖薄機身備有USB 3.0及HDMI插口，擴充性唔錯。
由左至右一掃即可轉換程式，由上至下掃便可關閉程式。	可到Windows Store下載遊戲及應用程式，玩法同Windows Phone相似。	現場花絮發布會現場搵咗Shine做示範，擺出新機嘅4種瑜伽姿勢，好搞笑！