香港人最愛預測。報章內，每天都有無數專家預測股市升還是跌？那匹馬最有機？今晚開上盤還是下盤？連生仔或生女，也可以惹來熱烈的競猜。近日，我們便遇到不少自稱專家的好友，他們以獨特、精闢又有趣的分析，滿有信心地去預測太太肚裏的究竟是男還是女。
認為「生仔」的理據是：「你都冇乜嘔，實係生仔！」、「你冇乜肥過，應該係仔！」、「你個肚算細，仲唔係仔！」，還有「你冇胃口食嘢！」、「瞓得唔錯！」、「個肚佗得唔高！」、「食嘢重口味咗！」等等。
至於「肯定」我會「生女」的則說：「你都冇乜嘔，實係生女！」、「你塊面冇暗瘡，一定係女！」、「你個肚咁圓，應該生女啦！」、「生仔個樣會衰啲！（相信他的意思是腫一些）」，還有「你冇胃口食嘢！」、「瞓得幾好！」、「個肚佗得唔高！」、「食嘢重口味咗！」等等。對！兩大陣營所說的理由都是大同小異，模棱兩可。即是說，統統都是廢話。（但最後又總會有一兩個人因而猜中！說到底，不是生男就是生女吧！）反而最喜歡太太的外婆，她第一眼便堅持：「仔！一定係仔！」我們追問原由，她仍一味說：「總之一定係仔啦！ 生仔好呀！」
開估了，醫生說，是女。
消息公布後，市面上有更多「馬後炮」湧出來：「一睇你個樣，就知你係外父相啦！ 不過我之前費事講之嘛！」
放心，是仔是女，我們也一樣歡喜。更開心的是太太，她已經極速訂購了許多粉紅色、上面寫着「I Love My Mom」的BB女衣服，而且，還沾沾自喜。
網址：blog.sina.com.cn/bennylau25