嗰頭李連杰同班老牌打星合作拍西片，呢頭又着起古裝扮大俠代言遊戲《九陰真經Online》。新作足足投資咗數億人民幣及5年時間；玩法更加破格，唔再靠升呢，而係修煉各種內功，靠實戰時嘅招式克敵！
很多Online Games來來去去都係揀角色和職業，然後不斷打怪升呢，純粹靠煲機時間定勝負。但《九陰真經Online》一改呢種傳統，PK勝負不再單靠等級數據，而係以平日鍛煉內功和武學，在實戰中運用各招式迎戰；正面唔夠打的話，可以飛簷走壁、輕功水上飄等絕學克敵，盲拳都有機會打贏老師傅。
遊戲導入傳統武功中最重要嘅內功概念，透過不同「歷練」去增加角色「修為」。最搞嘢係修為高嘅玩家可透過「經脈修煉」，以真氣打通經脈穴位增強連招能力。由於冇等級同職業限制，角色可隨時變換目標，厭倦江湖打打殺殺生活，可以暫時「歸園田居」，有機會引發不同「奇遇」！
類型：MMORPG
售價：免費（下載版）、$16（初踏江湖新手包）
網址：http://9yin.gameone.com/
撰文：布偉倫