德國速報IFA 2012 Win 8平板強陣出擊

期待已久嘅《Windows 8》（簡稱Win 8）作業系統，早前宣布於10月尾登場，以Windows嘅普及性和兼容性來說，確實有一定吸引力。姑勿論全新方塊介面用家Buy唔Buy，各大廠商已全面力撐，好似德國柏林的IFA 2012展覽，Samsung率先推出ATIV系列平板、Sony有滑動鍵盤嘅VAIO Duo 11、Lenovo亦有翻芒設計嘅IdeaPad Yoga等，稱得上百花齊放！
ATIV Smart PC Pro選用Core i5處理器，仲可插鍵盤扮Notebook。
ATIV Smart PC Pro選用Core i5處理器，仲可插鍵盤扮Notebook。

Win 8創新功能

《Windows 8》除了改用方塊介面顛覆傳統外，更特別強化觸控功能，可透過網上商店Windows Store購買Apps；另整合Xbox Live遊戲、IE 10瀏覽器等，將於10月26日正式上巿。

Samsung新系列Tablet晒冷

幾年前平板電腦冒起，當時唔少廠商夾硬將Windows塞落篤芒電腦，搞到勁難操作，所以Win 8研發時已表明會兼顧PC和Tablet兩方面，嚟到今年IFA終於有得玩！現場所見，幾乎所有大廠都力谷Win 8平板電腦，如Samsung發布ATIV系列玩大包圍，既有簡易版《Windows RT》嘅ATIV Tab，又有行《Windows 8》嘅ATIV Smart PC Pro，特別在支援手指篤芒及手寫筆操控，更可配番外置鍵盤變身傳統電腦，靈活性超高！

  • 放大圖片
現場花絮<BR>IFA會場為Messe Berlin，大大幅Samsung 海報好易認。
  • 現場花絮
    IFA會場為Messe Berlin，大大幅Samsung 海報好易認。
Android喺展場入面冇往年咁搶眼，但一樣有吉祥物扮鬼扮馬。
  • Android喺展場入面冇往年咁搶眼，但一樣有吉祥物扮鬼扮馬。

電視愛鬥大 相機玩Wi-Fi

去到IFA大型展覽，當然唔少得電視等消費產品。年初LG發布的84吋3D UD大電視就令到唔少人驚訝；而來到年中，Sony、Toshiba等都展出84吋4K電視，解像度達3,840×2,160，大芒加4K超高清相信會成為來年趨勢。而另一靚芒代表Samsung都有擺放招牌OLED全高清電視，仲有成75吋咁大，薄邊框加上玫瑰金色，外觀勁時尚。此外，會場亦首見新相機Sony NEX-5R，引入180度翻芒設計及增設NEX-7的轉盤，操作更簡便；最特別是加入Wi-Fi功能，可將相片直接上載至網絡之餘，更可透過《PlayMemories》程式與Tablet等裝置連動，食正相機無線拍攝和網絡分享新浪潮。

參展商各出奇謀，踩住Roller嘅白衣女郎勁突出。
  • 參展商各出奇謀，踩住Roller嘅白衣女郎勁突出。
科技產品冷冰冰，參展商當然會搵靚女平衡番！
  • 科技產品冷冰冰，參展商當然會搵靚女平衡番！
場內有28個展館，行到Young IFA展館仲見到饒舌歌手50 Cent到場宣傳耳機品牌！
  • 場內有28個展館，行到Young IFA展館仲見到饒舌歌手50 Cent到場宣傳耳機品牌！
Lenovo翻芒平板<BR>IdeaPad Yoga外形同Notebook相似，但可將屏幕180度後翻變平板。
  • Lenovo翻芒平板
    IdeaPad Yoga外形同Notebook相似，但可將屏幕180度後翻變平板。
Acer極速配置<BR>W700用上Ivy Bridge處理器，內建32/64GB SSD強勁硬件。
  • Acer極速配置
    W700用上Ivy Bridge處理器，內建32/64GB SSD強勁硬件。
Sony 特色鍵盤<BR>VAIO Duo 11內置滑動鍵盤，仲有Trackball設計，好實用。
  • Sony 特色鍵盤
    VAIO Duo 11內置滑動鍵盤，仲有Trackball設計，好實用。
由左邊向右一掃就可轉Task，仲可以將兩個Tasks以7:3比例同時運作。
  • 由左邊向右一掃就可轉Task，仲可以將兩個Tasks以7:3比例同時運作。
ATIV Tab用上專屬ARM架構的《Windows RT》系統，機身較為輕巧。
  • ATIV Tab用上專屬ARM架構的《Windows RT》系統，機身較為輕巧。
NEX-5R內置1,610萬像素感光元件，特別加入翻芒和Wi-Fi網絡功能。
  • NEX-5R內置1,610萬像素感光元件，特別加入翻芒和Wi-Fi網絡功能。
OLED電視向來是Samsung的招牌產品，今年仲將電視機掛於半空。
  • OLED電視向來是Samsung的招牌產品，今年仲將電視機掛於半空。
支援雲端技術的Cloud Mobile，弧形設計幾過癮。
  • 支援雲端技術的Cloud Mobile，弧形設計幾過癮。
Xperia Tablet S外形同上代相似，但薄身靚仔得多。
  • Xperia Tablet S外形同上代相似，但薄身靚仔得多。
Xperia V（左上）、Xperia T（左下）、Xperia J（右上）、Xperia TX（右下）「一門四傑」，全部已經升級至Android 4.0。
  • Xperia V（左上）、Xperia T（左下）、Xperia J（右上）、Xperia TX（右下）「一門四傑」，全部已經升級至Android 4.0。

Android陣營 Xperia發力

雖然Win 8來勢洶洶，但上年獨大嘅Android都唔失色，當中以Sony攤位最搶眼。先有一系列全新Xperia手機，包括支援IPX防水、LTE制式的Xperia V；4.55吋弧形雙核兄弟機Xperia T、TX，以及中價靚仔機Xperia J，加上年輕路線嘅Xperia miro、雙卡機Xperia tipo dual等，應可滿足唔同類型用家！值得留意是新平板Xperia Tablet S，9.4吋鋁合金薄切機身加入IPX4防水標準，外形已經夠晒和風，更備有Docking Stand、鍵盤連保護套等配件，相當吸引！其他手機廠商就冇乜動靜，只有Acer支援雲端技術嘅Cloud Mobile等小量新機，號召力一般。

特派記者：林子聰