四核 Note II S Pen升呢勢筆可當

魔術表演入面，魔術師只要凌空揮一揮魔法棒，便有神奇嘅事情發生。原來手機都可以咁神奇，說的是Samsung於德國新發布的GALAXY Note II。上代Note靠一支S Pen玩盡剪貼畫圖，新機不僅承繼晒原有功能，只要將支筆凌空放喺影片、電郵上，更會彈出預覽視窗，通話時一拔S Pen出嚟即可啟動Popup Note記事，講創意絕對攞滿分！

Note II改用5.5吋16:9大芒，拎上手感覺更修長。
售價：待定

凌空預覽功能

同往年一樣，Samsung喺IFA電子產品展開幕前，先舉行一場「Mobile Unpacked」發布會，今年主角正是GALAXY Note II。新機繼續主打S Pen功能，筆桿不但比以往更粗更長，連功能都「升呢」！最特別是加入名為「Air View」的功能，只要將S Pen筆尖懸浮於屏幕上方10mm內，指住電郵標題、影片播放器、圖片庫等介面，畫面就會自動彈出預覽視窗，毋須每次開啟檔案咁麻煩。

此外，連S Planner日曆都加入畫畫功能，加簽名抑或玩手繪圖案都得！值得一提，全新S Pen與機底筆槽都加入感應器，一般情況下拔出S Pen，畫面就會顯示S Pen的功能介紹；通話時拔出筆更會自動開啟「Popup Note」功能，可於畫面即時記事，快過你去攞紙筆。

S Pen比上一代粗咗又長咗，確實更好手感。

機背鏡頭仍然維持800萬像素畫質。

凌空操控
喺影片庫入面隔空點圖，就會彈出預覽框框。

16:9高清屏幕

記得GALAXY Note推出時，個個都讚佢大芒上網睇得舒服，今次新機將原本5.3吋屏幕加大至5.5吋。雖然面積大咗，但由於改用16:9屏幕比例，令新機反而比上代更修長，最重要是睇高清影片時，可以飛走上下黑邊；另選用招牌的HD Super AMOLED屏幕，畫面夠靚，自然睇得更順眼！而且新機特別換上容量更大的3,100mAh電池，電量比上代提升24%，打機、上網都唔使就住用啦！

實試S Pen功能<BR>Image Note相背加字<BR>可於相片背後加入圖片說明，相片右上角會有一個筆形符號。

實試S Pen功能
Image Note相背加字
可於相片背後加入圖片說明，相片右上角會有一個筆形符號。

Idea Visualizer聯想圖案<BR>長按筆桿按鍵，再寫上指定文字如「Car」，系統會自動幫你搵相關圖案。

Idea Visualizer聯想圖案
長按筆桿按鍵，再寫上指定文字如「Car」，系統會自動幫你搵相關圖案。

Quick Command快速指令<BR>於主頁長按筆桿按鍵向上一畫即可啟動，配合符號指令如「@」代表傳送電郵。

Quick Command快速指令
於主頁長按筆桿按鍵向上一畫即可啟動，配合符號指令如「@」代表傳送電郵。

軟硬件超班

發布會上，手機通訊部總裁JK Shin雖然冇刻意強調機能，但在場人士一見到規格表即刻拍晒手掌。皆因新機的規格可算是現今Android手機中最強，除了時脈高達1.6GHz的四核心處理器，更內置2GB RAM，連同門機王GALAXY S III都立即比下去！而且新機預載最新Android 4.1系統，配合TOUCHWiZ介面，S III嘅招牌功能好似畫中畫Popup Play、Best Shot拍攝模式等佢都有晒，抵讚！想買新機嘅朋友都唔使等好耐，因為歐洲、亞洲及中東地區10月將會開賣，到時定要留意。

現場花絮<BR>「Mobile Unpacked」選址柏林Tempodrom舉行，門外當然要搵人宣傳新產品。

現場花絮
「Mobile Unpacked」選址柏林Tempodrom舉行，門外當然要搵人宣傳新產品。

發布會有近2,000人入場，驟眼睇真係座無虛席。

規格表

制　　式︰GSM四頻、WCDMA、LTE

放大圖片	備有4.8吋篤芒，屏幕大過唔少智能手機。	新Note配件一覽一大堆Note II配件同時登場，多色嘅Flip Cover最為注目。
現場仲有擺放Samsung手機喇叭座，都幾靚仔。