日系SH530U 5吋巨Phone回歸

雖然近來中日關係緊張，但香港人崇日心態始終未變，食品、電器等多認為日本品質較佳，連手機都唔例外；可惜自多年前網絡商不再引入日系手機後，粉絲們只能靠水貨入手，價錢貴兼冇中文。等了又等，日前Sharp終於以行貨形式回歸，頭炮SH530U坐擁5吋巨芒及自家Feel UX介面，屏幕和操控先聲奪人，加上售價$3,000有找，相信會吸引不少日系機迷力撐！

售價：$2,988

巨芒觀感舒服

Sharp手機回歸大中華市場絕對有迹可尋，早兩年它們便出過一部全漢化SH801UC摺機，其後又在部分水貨機加入中文介面，明顯是為重臨香港作準備；官方指出，聖誕節前還會有更多型號推出，日系粉絲以後大把機揀啦！講番新作SH530U，最搶眼的當然是其5吋巨芒，備有800×480解像度，單睇畫面已比iPhone 4S大得多；而且亮度適中兼飽和度高，長時間上網睇片都咁舒服。唯一可惜是它沒有自家AQUOS屏幕技術，若能改善質素會更好。

簡約雙色選擇

日系機近年愈出愈Slim，SH530U在一體成形設計下，厚度只有9.9mm，配合磨沙圓渾機身，握感相當唔錯！顏色則貫徹瀛Phone愛玩色的傳統，備有雪映白及櫻花紅兩色選擇，至啱情侶一人一部。介面奉行簡約原則，全機只有3.5mm Audio及microUSB兩個插口，而且不可加插記憶卡，考慮到內置容量多達20GB，都應該夠用。特別一提，新機支援雙卡雙待功能，3G及2G兩組網絡可同時在線，帶返內地都適用！

提供3.5mm介面，並附送耳機。

自家Feel UX介面把主頁簡化為3版，操作更就手。

自家中文介面

受iPhone影響，日本人愈來愈冧智能手機，新機亦預載Android 4.0系統，並採用Cortex A9 1GHz雙核心處理器。小記實測下開齊瀏覽器及播片程式，發現反應和速度都表現對辦，難怪Benchmark得分能與GALAXY Note等雙核機看齊。最抵讚是自家Feel UX介面，全中文化操作分外親切，鎖屏下可聽歌、睇天氣之餘，還把主頁簡化為「應用程式」、「小工具」及「捷徑」3版，比公版Android更簡潔易用！