「鄧 櫈 戥 燈!」 神奇法寶面世

「人人期望可達到,我的快樂比天高……」動畫《叮噹》……喔,應該係《多啦A夢》先啱,雖然改咗名,但成日都喺幾聲「鄧 櫈 戥 燈!」後就出現神奇法寶嘅場面,絕對是經典中的經典,甚至絕對相信你我都曾經天真妄想:如果法寶係真就好了!

o依家夢想不再是妄想,一群創意非凡的設計師為慶祝多啦A夢誕生前100周年,將經典變創新、虛構場景變真實場地,甚至將法寶變成實物!究竟點解可以咁神奇做得到?「鄧 櫈 戥 燈!」即睇神奇法寶如何面世!

奇觀!百隻藍色機械貓

不要以為多啦A夢是在1912年面世,其實多啦A夢是生於未來的2112年9月3日,所以屈指一算,今年正是藍色機械貓誕生前的百周年!有見及此,日本小學館主動聯絡專門策劃不同創意計劃的SK(SK Lam)籌備「你睇!!多啦A夢嚟啦!誕生前100年祭」。

SK坦然今次展覽是想為社會帶來更多正能量,他說:「如果多啦A夢法寶幫到香港人就好了!」於是他們打造了100個1:1、拿着不同法寶的多啦A夢Figure,站在尖沙咀5支旗桿外的空地,將夢想變成真實,如此壯觀場面,成為整個活動的重頭戲!

奇展!樵夫之泉隨意門

卡通故事中的法寶當然是虛構,但甚具創意的SK團隊就絞盡腦汁將法寶真實展現在大家眼前。如「樵夫之泉」源自「金銀斧頭」典故,是獎勵誠實人將舊物變新,話說胖虎不小心掉下「樵夫之泉」,誰知多啦A夢「誠實」回答法寶「胖虎醜陋」,於是變出英俊版胖虎!團隊引用故事設計成互動裝置,只要走近鏡頭前拍照,就會有漫畫圖案覆蓋在玩家面上,然後就可以像胖虎一樣「變美麗」!

要數讀者最難忘的法寶,當然是帶大雄上山下海、走遍大江南北的「隨意門」!設計團隊在展覽會場和5支旗桿下放置兩道隨意門讓大家緬懷一番,SK表示:「香港人講求快捷,四通八達的隨意門一定是最想擁有的法寶!而5支旗桿和隨意門都是港人的集體回憶,將兩者放在一起別具意義。」

奇作!各地粉絲新設計

除了故事中的法寶外,團隊亦召集來自日本、香港、瑞典、台灣、西班牙等地的多啦A夢粉絲,設計多件天馬行空的法寶。由於多啦A夢故事圍繞大雄、靜香、胖虎和小夫的兒時經歷,於是有日本設計師便設計「友情頸巾」,寓意一起戴上的朋友能友誼永固。

此外,亦有設計師以自身經歷融入創作中,如本地創作團隊GRAPHICAIRLINES的「熊貓鉛筆刨」,鉛筆屑會在鉛筆刨的泥土上長出竹葉,甚具環保意味,與提倡綠化生活的港人不謀而合。

真實動畫奇景

「你睇!!多啦A夢嚟啦!誕生前100年祭」展覽現場除有形形色色的法寶外,SK更倒模打造多個令人動容的故事場景,包括代表愛情和友情的「大雄靜香結婚前夕」、「多啦A夢臨別大雄的晚上」等,希望通過令人感動的場面提醒愛的重要。

SK亦強調今次活動並非將大家帶到虛擬漫畫世界,而是將多啦A夢愛與夢想的精神融入真實世界。他們亦開設facebook專頁,讓多啦A夢「親自」在颱風和清理膠珠等議題上打打氣,讓大家感受真切的溫暖。若嫌不夠,就要快到展覽場地親身感受多啦A夢的正能量!

你睇!!多啦A夢嚟啦!誕生前100年祭

日期:即日至9月16日

地點:尖沙咀海港城

費用:免費

查詢電話:2118 8666

撰文:黃柏麒

攝影:張錦昌