釜山大學商店街 尋找潮韓男

全民皆啡

釜山地下鐵路發達而簡單，共有4條路線可以乘搭，但主要沿着1號線已夠玩兩天。釜山大學位於1號線的128站，出大學方向門口已看到既繁華街道又錯綜複雜的商店街，有賣衣服的、有賣化妝品的，也有咖啡茶座及手機店等，形形色色應有盡有，各位朋友血拼前不如先Tea一Tea吧！講到咖啡，近年韓國連平民食店都特設咖啡機，慎防大家啡癮突起，質素當然麻麻，但足見喝咖啡的風氣甚為瘋狂。來到Coffee Shop林立的釜山大學商店街，當然要找間「似樣」的才對得起自己。然而，前半段多以購物為主，想喝咖啡還是一口氣由大街走到大學門口附近選擇較多，環境也寧靜一點。

香濃滴漏咖啡

最後小記選了路邊的Cafe Profumo，它旁邊的路牌寫上店內的咖啡種類少說有十多種，加上木製圍欄、兩枱四人茶座和一片小青草地，感覺自成一國。推門進入，裏面空間不算大，行兩步已到收銀台，牆上掛有各地咖啡豆給客人點選，加上室內燈光柔和，配上紅磚牆、木製家具和相關咖啡擺設，英倫味甚濃。

靚仔師傅正為小記炮製店內最暢銷的Hand Drip滴漏式咖啡。	大街上有便宜的小吃攤檔，幫襯的多是趕上學的大學生。	區內咖啡店超多，看Cafe Profumo的門面夠靚，決定入去看看！

正想問老闆有甚麼好介紹時，他百忙中探出頭來，發現原來是位大帥哥，並推介店內最暢銷的Hand Drip滴漏咖啡，利用來自非洲的Robusta羅巴斯塔咖啡製作，即場攪碎再用90度的水溫慢慢沖製滴漏，完全將Robusta濃郁的咖啡和苦味帶出，喝時精神為之一振！如果女士們的話，小記建議一邊坐在High Table聊天，一邊欣賞老闆專心為閣下調咖啡，仲唔係色香味俱全？

沖製咖啡的水溫最佳為90度左右，因此水壺上有個溫度計，確保無誤。	門面充滿歐陸味，但雨傘架卻為咖啡店帶來可愛一面。	一杯冰凍的滴漏咖啡加招牌厚多士，各售W3,500（約HK$24）。

男生扮靚一條街

嫌多士太Heavy，可選擇朱古力曲奇或牛油蛋糕，一個只需W1,000（約HK$7）。	邊行邊逛，發現男裝一條街。	mannequin試穿假人位位都有大肚腩，十分搞笑。

女友搵到型男咖啡師，男士豈不就要落泊街頭？靜靜雞話畀大家聽，釜山大學商店街也是男生半個主場，除了當中有條小小的電器街外，更有一條相當熱鬧的男裝商店街，就算未收身，仲有個小肚腩都一樣可以變身潮韓男！

唔怪得啦！原來潮人老闆是位「小肥」！	唔止衣着夠潮，電器街內的Concierge連鎖店有卡通人物特別版相機，喺香港搵唔到，星期六日去仲有九折添！	女裝實在太多不能盡錄，單是主街少說也有幾十間，而且價錢超平，一對色彩鮮艷的襪子只是W1,000左右（約HK$9），掃幾對畀小朋友都抵！

點解小記可以誇下海口？皆因發現mannequin試穿假人位位都係大肚腩，無論是穿恤衫或T-Shirt、玩Layer或是一件頭，仍着得極其瀟灑，相信大家可以比「他們」着得更型！如果怕唔識襯衫，小記走訪這家Point男裝店的肥老闆會熱心為大家挑選配搭，做埋你既形象顧問，由頭到腳、由帽到鞋都照顧周到，售價都只是W32,000~W45,000（約HK$218~$306）左右，最重要是貨品大部分都是Made in Korea，保證純種韓風！

Baskin Robbins店內色彩繽紛，加上Cyber味的裝潢，令人暑氣全消。	雪糕蛋糕擁有各款可愛卡通造型，售價由W21,000~W33,000（約HK$143~225）。	特色凍飲款式超多，汽水、咖啡沙冰或果汁沙冰樣樣有齊，售價由W3,500~W4,500（約HK$24~31）。

冰涼選擇

夏日炎炎，沒甚麼比喝汽水吃雪糕更大快人心。來自美國的Baskin Robbins於韓國發展迅速，年輕人聚集的釜山大學當然也找到它的蹤影。店內牆壁與招牌一樣以粉紅配湖水藍主導，十分搶眼，加上採用銀色鋁質枱櫈，整個空間充滿涼浸浸的感覺。為求解暑，小記點了名為Shooting Star的最新人氣之選，原來是薄荷汽水加雪糕，以W4,500（約HK$31）換來邊吃邊喝的雙重滋味！如幾位朋友同行，不如試吃他們的雪糕蛋糕，每款造型都十分有趣可愛，而且附有卡路里熱量數值，提醒大家吃完記得做運動啊！

Baskin Robbins

網址：www.baskinrobbins.co.kr

TRAVEL NOTES

簽證：持特區護照或BNO均毋須簽證

機票：乘釜山航空來回香港釜山經濟客位約HK$1,690起。

出發日期：去程星期一、三、五；回程星期二、四、六

貨幣：HK$1約兌W147

天氣：8月份氣溫約23℃~30℃

特派記者：李家俊　

鳴謝：韓國觀光公社、釜山航空