乍聽「天空之橋」之名，感覺同「阿媽係女人」有異曲同工之妙，試問哪一條橋並非位於空中？不過叫得「天空之橋」，又確實加添幾分氣勢，亦話畀大家知，呢條橋同大家屋企附近條天橋絕對不同級數。
位於南投市八卦山猴探井遊憩區的「天空之橋」，於本月23日起對外開放，號稱全台最長的天梯形吊橋，長204米，深度達70米，來回走一趟要花上15分鐘左右，而且在橋上絕非得個走字，遊客在此，可看到整個彰化平原，景色迷人。橋身更安裝太陽能LED燈，入夜後會自動點亮，夜空下更覺美麗。為安全起見，此橋每次只限150人單向通行，大家請耐心等候，無謂令「天空之橋」變「添凶之橋」！
撰文：林展鵬