Land Rover Discovery 4 5.0L V8 HSE 南區玩兩灘

炎炎夏日，由朝到黑躲在冷氣房，好似好歎，其實好悶，不如趁周日走出來同陽光講Hello。港島南區向來是熱門景點，今次一於駕駛Land Rover Discovery 4 5.0L V8 HSE，遊足石澳及大浪灣兩大靚沙灘。

石澳車位食肆多好方便

港島南區有多個沙灘遊玩熱點，淺水灣出晒名─多自由行，深灣亦人頭湧湧，所以今次決定先遊石澳，後去大浪灣。石澳地方較大，泊車位較多，大部分更係免費位，附近食肆林立，泰式、港式餐廳及燒烤場等任揀，晨早去霸個車位，吃個早餐就最「盞」。鄰近商店有售不同類型水上活動用品，例如水泡、浮床、泳衣及滑水板等一應俱全，即興去都冇問題。駕車前往石澳十分簡單，於柴灣歌連臣角道往石澳道方向，或由大潭道入石澳道皆可，車程約20分鐘，但近日石澳道來回行車線有多個地點進行修路工程，駕駛時要留神。

沙幼灘闊弄潮兒最愛

石澳泳灘向來是弄潮兒的最愛，適逢書展和動漫節前夕，或有機遇上水着o靚模宣傳也未可定。面向南中國海的石澳泳灘面積廣闊平坦，沙粒幼細，赤腳走也十分寫意；夏天吹西南風時較風平浪靜，小朋友玩水亦較為安全；不過遇上東風或颱風，海浪較大，反而成為滑浪朋友的天堂。此外，又可往石澳後灘的石澳海角郊遊區眺望南中國海。

車身高度十足，就算駕車遇上水氹或泥地時亦可輕易闖過。

第三排座椅的空間十足，成年人乘坐都不成問題。

Terrain Response系統可按實際路面情況，選用5種行車模式。

Discovery 4駛盡不同路況

玩罷石澳，沿石澳道開車前往大浪灣也十分方便，這裏約有20個收費泊車錶位提供。大浪灣面積較小，遊人沒那麼多，設有多間士多提供水上活動用品及簡單小食。今次同行的Land Rover Discovery 4 5.0L V8 HSE屬七座位設計，採用2+3+2布局，第三排空間十分寬敞，實用度相當高，運載大量物品亦沒有問題。性能方面，配備了5公升引擎，可輸出高達375ps馬力及52kgm的強大扭力，雖然石澳道彎多路窄，但靈活的操控反應及穩定表現，加上Terrain Response系統，可按實際路面情況選用5種行車模式去適應路面，車身高，就算遇上惡劣路況亦不成問題。

中控台簡潔易用，新手都好易摸熟。	車廂空間寬敞，就算是坐足7人都唔逼。	到石澳泳灘，要打醒精神，因為隨時「o靚模出沒注意」！
徒步往石澳海角郊遊區，可遠眺南中國海的大頭洲及觀賞大浪拍岸。	位於大浪灣泳灘附近的古代石刻，同樣是遊人常到之地。	大浪灣郊遊區設有大型郊野公園，提供燒烤場地。